Euro 2024-iň saýlama tapgyrynyň çäginde “J” toparçada Portugaliýanyň ýygyndysy öz meýdançasynda Lýuksemburgyň ýygyndysyny kabul etdi. Super ýyldyz Kristiano Ronaldonyň sary kart sebäpli meýdança çykmadyk duşuşygynda Portugaliýa garşydaşynyň derwezesinden jogapsyz 9 gol geçirdi. Gollary Gonsalo Inasio (12, 45+4), Gonsalo Ramuş (18, 34), Diogo Žota (57, 77), Horta (67), Bruno Fernandeş (83) hem-de Žoao Feliks (88) derwezä girizdi.
6 oýunda 24 gol geçiren Portugaliýanyň ýygyndysy 18 utuk bilen toparçada 1-nji orny eýeleýär. Olar şu wagta çenli ýeke gol hem geçirtmediler.
Toparçalardaky beýleki oýunlarda Slowakiýa Lihtenşteýni 3-0, Islandiýa Bosniýa we Gersegowinany 1-0 hasabynda ýeňdi. 2-nji ýerdäki Slowakiýanyň 13, 3-nji orundaky Lýuksemburgyň 10 utugy bar. Lýuksemburg Portugaliýa bilen duşuşýança yzly-yzyna 3 oýunda ýeňiş gazanypdy.
