Tä­ze top­la­nan mag­lu­ma­ta gö­rä, dün­ýä­dä­ki äh­li adam jem­gy­ýet­çi­lik tor­la­ry­na her gün­de je­mi 10 mil­liard sa­ga­dy­ny sarp ed­ýär. Bu ba­ra­da “Mo­bil ara­gat­na­şyk pu­da­gy 2023” at­ly mag­lu­mat­na­ma­da aý­dyl­ýar. Mag­lu­mat­la­ra gö­rä, dün­ýä­de 6 mil­liard 925 mil­li­on adam smart­fon­dan peý­da­lan­ýar. Bir­le­şen Mil­let­ler Gu­ra­ma­sy­nyň mag­lu­ma­ty­na gö­rä bol­sa, şu ýy­lyň iýu­lyn­da dün­ýä ila­ty 8,05 mil­liard­dan geç­di. Bu bol­sa, adam­la­ryň 86 gö­te­ri­mi­niň in­ter­net­den peý­da­lan­ýan­dy­gy­ny gör­kez­ýär. 2016-njy ýyl­da 3 mil­liard 668 mil­li­on adam­da “akyl­ly” te­le­fon bar eken. 2026-njy ýy­la çen­li bu gör­ke­zi­ji­niň 7,52 mil­li­ar­da ýet­me­gi­ne ga­ra­şyl­ýar. Dün­ýä­de ösen 10 ýur­duň ila­ty­nyň 73,47 gö­te­ri­min­de smart­fon bar. Ko­re­ýa Res­pub­li­ka­sy­nyň ila­ty­nyň 94 gö­te­ri­min­de “akyl­ly” te­le­fon bo­lup, bu ugur­da dün­ýä­de öň­de­li­gi eýe­le­ýär.
San­ly ul­ga­myň ös­me­gi bi­len dür­li mo­bil go­şun­dy­lar, oýun­lar we ek­ran­ly en­jam­lar­da güý­men­mä­ge de­giş­li tä­ze teh­no­lo­gi­ýa­lar peý­da bol­dy. Şo­la­ryň bi­ri hem jem­gy­ýet­çi­lik tor­la­ry ha­sap­lan­ýar. Ýer ýü­zün­de jem­gy­ýet­çi­lik tor­la­ry­nyň ula­ny­jy­la­ry­nyň sa­ny 4,8 mil­liard­dan geç­ýär. Mag­lu­mat­la­ra gö­rä, dün­ýä ila­ty­nyň 75 gö­te­ri­min­den gow­ra­gy jem­gy­ýet­çi­lik tor­la­ryn­dan peý­da­lan­ýar. Soň­ky bir ýyl­da jem­gy­ýet­çi­lik tor­la­ry­nyň iş­jeň ula­ny­jy­la­ry­nyň sa­ny 4,2 gö­te­rim ar­typ, 190 mil­lio­na kö­pe­lip­dir. Bu bol­sa se­kunt­da or­ta­ça 6 tä­ze ula­ny­jy­nyň jem­gy­ýet­çi­lik to­ru­na go­şu­lan­dy­gy­ny gör­kez­ýär. Adat­ça her bir ula­ny­jy her gün 2,5 sa­ga­dy­ny bu plat­for­ma­lar­da ge­çir­ýär. Bu bol­sa, dün­ýä­de her gün je­mi 10 mil­liard sa­gat­dan gow­rak wag­tyň jem­gy­ýet­çi­lik tor­la­ryn­da ge­çi­ril­ýän­di­gi­ni gör­kez­ýär.
5G to­ry ýaý­ra­ýar
Mag­lu­mat­da 5G teh­no­lo­gi­ýa­sy­nyň dün­ýä ýü­zün­de ýaý­baň­lan­ýan­dy­gy bel­le­nil­ýär. ABŞ we Hy­taý 5G se­na­ga­ty­ny ös­dür­mek üçin has köp ma­ýa go­ýum goý­ber­ýär. Ko­re­ýa Res­pub­li­ka­sy we Ýa­po­ni­ýa ýa­ly ýurt­lar­da hem bu teh­no­lo­gi­ýa ös­dü­ril­ýär. Ýa­po­ni­ýa­da 5G en­jam­la­ry­nyň sa­ny 2026-njy ýy­la çen­li 4G en­jam­la­ry­nyň­ky­dan geç­me­gi­ne ga­ra­şyl­ýar.

Gyzykly bolup bilerЕЩЕ ОТ АВТОРА