Pi­şik iň ha­lan­ýan we ýaý­ran öý haý­wan­la­ry­nyň bi­ri ha­sap­lan­ýar. Bu jandary ha­la­ma­ýa­ny­myz az bol­sa ge­rek. Üns be­ren bol­sa­ňyz, bu jan­dar­lar ýo­kar­dan ga­çan­la­ryn­da he­mi­şe dik­li­gi­ne, dört aýa­gy­nyň üs­tü­ne düş­ýär­ler. Alym­lar bu ýag­da­ýy anyk­la­mak üçin köp bar­lag­ ge­çi­rip­dir­ler. Mu­nuň esa­sy se­bä­bi­niň do­ga­bit­di ref­leks­di­gi­ni, ýag­ny yg­ty­ýar­syz he­re­ket­di­gi­ni bel­le­ýär­ler. Ýag­ny bi­ziň gö­zü­mi­ze haý­sy­dyr bir zat go­laý­lan­da, gö­zü­mi­zi ýu­m­şu­myz ýa­ly he­re­ket ha­sap­lan­ýar. Mu­ňa ga­ra­maz­dan ol he­mi­şe dört aýa­gy­nyň üs­tü­ne düş­me­ýär. As­lyn­da, pi­şik­ler­dä­ki bu aý­ra­tyn­lyk olar 4-7 hep­de ara­ly­gyn­da peý­da bol­ýar. Ola­ryň ba­şa­şak ga­çan­la­ryn­da dik dü­şme­gi üçin azyn­dan 1 metr­lik be­ýik­lik ze­rur­. On­dan pes ýer­den ga­çan pi­şi­giň be­de­ni do­lu­ly­gy­na di­ke­lip ýe­tiş­me­ýär. Em­ma ola­ryň dik­li­gi­ne düş­me­gi hiç ýe­ri­niň agyr­ma­jak­dy­gy­ny aň­lat­ma­ýar. Ola­ryň hem jan­dar­dy­gy­ny unut­ma­ly däl.
Pi­şik­ler bi­len şol bir maş­ga­la de­giş­li bo­lan gum pi­şiginde, ga­ra­gu­lakda, ge­çi­gap­laňda we beý­le­ki ýa­ba­ny jandarlarda hem şeý­le aý­ra­tyn­ly­gyň bar­dy­gy anyk­lan­dy.

Nä­dip ba­şar­ýar­lar?
Pi­şik­ler edil buz­da typ­ýan tür­gen­ler ýa­ly, öň­ aýak­la­ry­ny bir-bi­ri­ne ýa­kyn tu­tup, be­de­ni­niň öň ta­ra­py­ny ça­la­syn­lyk bi­len aý­la­ýar­lar. Ola­ryň ma­ýyş­gak oňur­ga­la­ry bol­sa, göwresiniň yz­ky ta­ra­py­nyň hem tow­la­nyp di­kel­me­gi­ne ýar­dam ed­ýär. Pi­şik oňur­ga­la­ry­nyň çe­ýe­li­gi se­bäp­li be­de­ni­niň öň we yz ta­ra­py­ny baş­ga ta­rap­la­ra tow­lap bil­ýär. Bu ýag­daý ola­ryň ýe­re aň­sat­lyk bi­len düş­mek­le­ri­ne kö­mek ed­ýär. Ge­çi­ri­len bar­lag­la­ra gö­rä, 6 gat­ly jaý­dan (20 metr tö­we­re­gi) ga­çan pi­şik­le­riň 90 gö­te­ri­mi­niň sag-aman ýe­re “go­nan­dy­gy” anyk­la­nyp­dyr.

Gyzykly bolup bilerЕЩЕ ОТ АВТОРА