1-nji no­ýabr­da “Mer­ke­zi Azi­ýa-Ko­re­ýa Res­pub­li­ka­sy” 16-njy hyz­mat­daş­lyk fo­ru­my­nyň çä­gin­de Türk­me­nis­ta­nyň Söw­da-se­na­gat eda­ra­syn­da ýaş te­le­ke­çi­le­riň işe­wür­lik mas­la­ha­ty ge­çi­ril­di.
Işe­wür­lik mas­la­ha­ty­nyň bi­rin­ji ses­si­ýa­sy, Mer­ke­zi Azi­ýa­da we Ko­re­ýa Res­pub­li­ka­syn­da ýaş­la­ryň te­le­ke­çi­lik işi­ni döw­let ta­ra­pyn­dan gol­da­nyl­ma­gy­nyň çä­re­le­ri­ne ba­gyş­lan­dy. Türk­me­nis­ta­nyň, Ga­za­gys­ta­nyň, Gyr­gy­zys­ta­nyň, Tä­ji­gis­ta­nyň, Öz­be­gis­ta­nyň we Ko­re­ýa Res­pub­li­ka­sy­nyň we­kil­le­ri bu ugur­da öz ýurt­la­ryn­da­ky tej­ri­be­ler we ga­za­ny­lan üs­tün­lik­ler ba­ra­da gür­rüň ber­di­ler.
“Start up” te­le­ke­çi­li­gi­ni we “Start up” önüm­çi­li­gi­ni ös­dür­mä­ge ba­gyş­la­nan işe­wür­lik fo­ru­myň ikin­ji ses­si­ýa­sy­na gat­na­şy­jy­lar in­no­wa­si­ýa kär­ha­na­la­ry­ny gol­da­ma­ga gö­nük­di­ri­len wen­çur gaz­na­la­ry­nyň işi­niň ýo­la go­ýul­ma­gy­nyň esa­sy me­se­le­le­ri­niň üs­tün­de du­rup geç­di­ler.
Şeý­le hem, gaý­ta­dan di­kel­dil­ýän ener­ge­ti­ka, san­ly yk­dy­sa­dy­ýet, bio­teh­no­lo­gi­ýa, ro­bot teh­ni­ka­sy, akyl­ly şä­her­ler ýa­ly “ýa­şyl yk­dy­sa­dy­ýet” ýö­rel­ge­le­ri­ne esas­lan­ýan in­no­wa­si­ýa­la­ry or­naş­dyr­ma­gyň stra­te­gik ugur­la­ry­ny ös­dür­mek bo­ýun­ça ýaş te­le­ke­çi­le­riň ara­syn­da gi­ňiş­le­ýin pi­kir alyş­ma­lar ge­çi­ril­di.
Işe­wür­lik fo­ru­my­nyň çä­gin­de Mer­ke­zi Azi­ýa ýurt­la­ry­nyň we Ko­re­ýa Res­pub­li­ka­sy­nyň işe­wür to­par­la­ryň we­kil­le­ri­niň ara­syn­da iki­ta­rap­la­ýyn du­şu­şyk­lar hem-de gep­le­şik­ler ge­çi­ril­di.
Şeý­le-de, fo­ru­myň çäk­le­rin­de dür­li me­se­le­le­re ba­gyş­la­nan te­ma­ti­ki ses­si­ýa­la­ryň al­ty­sy gu­ral­dy.
“Ulag we lo­gis­ti­ka” at­ly bi­rin­ji ses­si­ýa “Mer­ke­zi Azi­ýa­nyň we Ko­re­ýa Res­pub­li­ka­sy­nyň ulag-lo­gis­ti­ka insf­rast­ruk­tu­ra­sy­nyň ara­bag­la­ny­şy­gy: çe­me­leş­me­ler we müm­kin­çi­lik­ler” te­ma­sy­na ba­gyş­lan­dy.
“Sag­ly­gy go­ra­ýyş we luk­man­çy­lyk” at­ly ikin­ji ses­si­ýa­da Mer­ke­zi Azi­ýa­da sag­ly­gy di­kelt­mek bo­ýun­ça luk­man­çy­ly­gyň we sag­ly­gy go­ra­ýyş ul­ga­my­nyň ösü­şi­niň mö­hüm me­se­le­le­ri mas­la­hat­la­şyl­dy.
“Ho­wa­nyň üýt­ge­me­gi we daş­ky gur­şa­wy go­ra­mak” at­ly üçün­ji ses­si­ýa “Ho­wa­nyň üýt­ge­me­gi, suw, azyk we ener­gi­ýa me­se­le­le­ri­niň ara­bag­la­ny­şy­gy: ho­wa­nyň üýt­ge­me­gi­ne uý­gun­laş­ma, suw se­riş­de­le­ri­niň do­lan­dy­ry­ly­şy we kli­ma­ti­ki ne­ti­je­li­ge eýe bo­lan oba ho­ja­ly­gy” te­ma­sy­na ba­gyş­lan­dy.
“Mag­lu­mat-kom­mu­ni­ka­si­ýa teh­no­lo­gi­ýa­la­ry” at­ly dör­dün­ji ses­si­ýa­da elekt­ron hö­kü­me­tiň we jem­gy­ýet­çi­lik hyz­mat­la­ry­nyň hem-de ra­ýat­lar bi­len ara­bag­la­ny­şy­gyň ber­ki­dil­me­gi­ne gö­nük­di­ri­len mag­lu­mat-ara­gat­na­şyk teh­no­lo­gi­ýa­la­ry­nyň ula­nyl­ma­gy­nyň, hu­su­san-da, elekt­ron ul­gam­la­ry­nyň äh­mi­ýet­li me­se­le­le­ri­ne ba­gyş­la­nan pi­kir-alyş­ma­lar gur­nal­dy.
“Ylym we bi­lim” at­ly bä­şin­ji ses­si­ýa­da ylym-bi­lim pu­da­gyn­da in­no­wa­si­ýa işi­niň Mer­ke­zi Azi­ýa döw­let­le­ri­niň we Ko­re­ýa Res­pub­li­ka­sy­nyň ara­syn­da­ky hyz­mat­daş­ly­gyň müm­kin­çi­lik­le­ri nuk­daý­na­za­ryn­dan ýo­la go­ýul­ma­gy­nyň äh­mi­ýe­ti bi­len bag­ly me­se­le­ler mas­la­hat­la­şyl­dy.
“Sy­ýa­hat­çy­lyk” at­ly al­tyn­jy ses­si­ýa­da “Be­ýik Ýü­pek ýo­lu­nyň gaý­ta­dan di­kel­dil­me­gi” şy­ga­ry bi­len dur­nuk­ly sy­ýa­hat­çy­ly­gy ös­dür­mek bo­ýun­ça me­se­le­le­re üns çe­kil­di.

Gyzykly bolup bilerЕЩЕ ОТ АВТОРА