Pablo Pikassonyň iň täsirli kartinalarynyň biri Nýu-Ýorkda auksiona çykarylar. “Sagatly zenan” atly kartina suratkeşiň iň naýbaşy eserleriniň biri hasaplanýar. Hünärmenleriň pikiriçe, eser 120 million dollara satylyp bilner. Bu portret 1932-nji ýylda ýagly reňk bilen kendir matanyň ýüzüne çekilipdir. Onda fransuz modeli Mari-Terez Walter şekillendirilip, kartina suratkeşe başga-da birnäçe surat eserlerini döretmäge ylham beripdir. Şeýle hem, “Sotheby’s” auksionynda XIX we XX asyryň impressionistik suratkeşleriniň we häzirki zaman ussatlarynyň sungat eserleri görkeziler.