UEFA Çempionlar Ligasynda hepdäniň iň owadan goly saýlandy. Jemi 4 gol dalaşgär görkezilipdi. 6 goluň geçirilip, 3-3 deňlikde tamamlanan “Galatasaraý” – “Mançester Ýunaýted” duşuşygynda toparyny ýeňlişden halas eden türkiýeli hüjümçi Kerem Aktürkoglunyň goly iň köp ses alan gol boldy. Ýene şol duşuşykda geçirilen – “Mançester Ýunaýtediň” portugaliýaly ýyldyzy Bruno Fernandeşiň goly 2-nji ýeri eýeledi.
“Real Madridden” Rodrigonyň “Napoliniň” derwezesinden geçiren goly 3-nji, “Arsenaldan” Martin Edegoryň batly urgy bilen “Lansyň” derwezesinden geçiren goly-da 4-nji iň owadan gol diýlip saýlandy.
