Italiýanyň çempionatynda tapgyryň merkezi oýnunda “Inter” soňky çempion “Napolini” myhmançylykda 3-0 hasabynda ýeňdi. “Inter” toparyna ýeňiş getiren gollary Çalhanoglu, Barella hem-de Turam geçirdi. 2-nji ýerdäki “Ýuwentus” myhmançylykda “Monza” bilen duşuşyp, 2-1 hasabynda ýeňşini baýram etdi. 12-nji minutda Rabionyň goly bilen geçen “Ýuwentusyň” derwezesinden hasaby deňlän goly 90+2-nji minutda Karboni geçirdi. Ýöne bu goldan 2 minut soň “Ýuwentus” Gattiniň goly bilen 2-1 hasabynda ýeňiş gazanmagy başardy. “Milan” topary-da “Frozinone” toparyny Ýowiç, Pulişiç, Tomoriniň gollary bilen 3-1 hasabynda utdy. Ýowiç “Milandaky” ilkinji goluny geçirdi. Paýtagt Rimiň wekilleri – “Roma” myhmançylykda “Sassuolony” 2-1, “Lasio” bolsa “Kaliarini” 1-0 hasaplar bilen ýeňdi.
Monza – Ýuwentus: 1-2 (Karboni 90+2 – Rabio 12, Gatti 90+4),
Jenoa – Empoli: 1-1 (Malinowskiý 37 – Kanselieri 67),
Lasio – Kaliari: 1-0 (Pedro 8),
Milan – Frozinone: 3-1 (Ýowiç 43, Pulişiç 50, Tomori 74 – Breşianini 82),
Leççe – Bolonýa: 1-1 (Pikkoli 90+10 p – Likoýannis 68),
Fiorentina – Salernitana: 3-0 (Beltran 6 p, Sottil 18, Bonawentura 56),
Udineze – Werona: 3-3 (Kabasele 16, Lukka 30, 72 – Džuriç 37 p, Ngong 61, Anri 90+6),
Sassuolo – Roma: 1-2 (Enrike 25 – Dibala 76 p, Kristensen 82),
Napoli – Inter: 0-3 (Çalhanoglu 44, Barella 62, Turam 85),
Torino – Atalanta (4-nji dekabrda oýnalar)
