1972-nji ýylyň 11-nji dekabrynda “Apollo 17” maksatnamasynyň (7–19-njy dekabr, 1972) çäklerinde NASA-nyň ýedinji hem-de soňky missiýasy amala aşyryldy. Aýa guralan adamly syýahatyň çäklerinde uçuşyň serkerdesi Ýujin Endrýu Sernan hem-de Aý modulynyň piloty Harrison Şmitt Ýeriň hemrasynyň üstünde ýörediler. Ekipažyň üçünji agzasy Ronald Ewans bolsa kosmos gämisinde galdy. Aýa şondan bäri adamly syýahat guralmady.
Şmitt häzire çenli Aýyň ýüzüne aýak basan ýeke-täk geologdyr. Astronawtlar Aý ýüzünde 75 sagada golaý boldular. Saparyň çäklerinde birnäçe biologik tejribeler hem geçirilýär. Bu maksat bilen 5 sany syçan kosmos gämisiniň içinde äkidilip getirildi. Şeýle hem astronawtlar dürli ýerden toprak nusgalygyny almak üçin Aýyň ýüzünde hereket etmäge amatly edilip ýasalan ýörite ulagy (Lunar Roving Vehicle) hem sürdüler. Şeýle ulag “Apollo 15” hem-de “Apollo 16” missiýalarynyň çäginde hem ulanylypdy.
