Dünýä futbolynyň ägirtlerinden braziliýaly ozalky futbolçy hem-de tälimçi Mario Zagallo 92 ýaşynda aradan çykdy. Ol Dünýä Kubogyny 4 gezek gazanan ýeke-täk şahsyýetdi. 1958-nji we 1962-nji ýyllarda futbolçy hökmünde Dünýäniň çempiony bolan Zagallo, 1970-nji ýylda Braziliýanyň milli ýygyndysynyň baş tälimçisi hökmünde-de kubogy asmana galdyrypdy. Ol 1994-nji ýylda bolsa baş tälimçiniň kömekçisi hökmünde kubogy eýeläpdi. Ol Dünýä Kubogyny oýunçy hem-de tälimçi bolup gazanan ilkinji şahsyýet bolupdy. Ondan soň bu hormata Frans Bekkenbauer bilen Didie Deşam hem ýetipdi. Futbolçylyk karýerasynda «Amerika», «Flamengo», «Botafoga» ýaly klublarda oýnan Zagallo Braziliýanyň ýygyndysyna 3 dürli döwürde tälimçilik etdi. Braziliýada «Botafogo», «Fluminense», «Flamengo», «Wasko de Gama» ýaly klublara tälim beren Zagallo Kuweýtiň, Saud Arabystanynyň, BAE-niň ýygyndylarynyň hem baş tälimçisi wezipesinde işledi.
