Türki döwletleriniň matematika guramalarynyň birleşmeginde sanly ulgam arkaly halkara Nowruz baýramy mynasybetli nobatdaky TURAN halkara matematika olimpiadasy mekdep okuwçylaryna garaşýar. Olimpiadanyň maksady dost-doganlygyň berkemegi, dünýäde çagalaryň bilelikde bilim almagydyr.
Guramaçy topar Türkiýe, Azerbaýjan, Täjigistan, Özbegistan, Germaniýa, Angliýa we birnäçe döwletden, şol sanda ýurdumyzyň mekdep okuwçylarynyň arasynda sanly ulgam arkaly geçirilýän nobatdaky halkara matematika olimpiadasyna ýazylyşygyň 10-njy marta çenli dowam edýändigini habar berýär.
Olimpiada 14-nji we 22-nji mart aralygynda ýerli guramaçy wekiller tarapyndan geçiriler. Okuwçylar iki kategoriýa – kiçi we uly toparlara bölüner. Kiçi kategoriýa 2011-nji ýylda doglan ýa-da ondan uly ýaşdaky, uly kategoriýa 2008-nji ýylda doglan ýa-da ondan uly ýaşdaky okuwçylar gatnaşyp bilerler.
Olimpiada gatnaşmaga isleg bildirýän okuwçylar aşakdaky internet salgysyna ýa-da telefon belgisine ýüz tutup bilerler. Olimpiada degişli maglumatlar aşakdaky salgyda ýerleşdirilen sanly ulgamly “synp otagynda” paýlaşylar.
Internet salgysy:
https://classroom.google.com/c/NTkxODA3MzYwMzQ4?cjc=zr5efyl
telefon: +99362004320;
elektron poçta: passengerlibrary@gmail.com
