450 ýyl bä­ri Ýa­po­ni­ýa­nyň Ýo­ko­te şä­her­çe­sin­de ýer­li ýa­şaý­jy­lar her ýyl gyş pas­ly­nyň gel­me­gi bi­len ka­ma­ku­ra gar öýü­ni gur­ýar­lar. Few­ral aýy­nyň or­ta­la­ry­na ýer­li halk ga­dy­my däp-des­sur­la­ry­na eýe­rip şä­he­riň tö­we­rek­le­rin­dä­ki meý­dan­lar­da gar öý­le­ri­ni ýasap, eme­li yşyk­lar bi­len öý­le­ri be­ze­ýär­ler. Her ýy­lyň 15-16-njy few­ra­lyna ga­bat­la­nyp ge­çi­ril­ýän bu fes­ti­wal yşyk­ly gi­je­le­riň şa­ly­gy­na öw­rül­ýär. «Ka­ma­ku­ra» sö­zi ýa­pon­la­ryň ka­ma­do at­ly pe­jin­den ge­lip çy­kyp, sö­züň ikin­ji bö­le­gin­dä­ki «ku­ra» am­mar diý­me­gi aň­lad­ýar. Ka­ma­ku­ra­lar ki­çi­jik gör­nüş­den baş­lap, 6 ada­ma çen­li ni­ýet­le­nen ulu­lyk­da ýasalýar. Her maş­ga­la öz gu­ran gar öý­le­rine ýyg­na­nyp, şol gi­je suw hu­da­ýy­na do­ga ed­ýär­ler. Gel­jek ýyl­da sag­lyk, aba­dan­çy­lyk bol­ma­gy­ny, ekin­le­riň bol ha­syl ge­tir­me­gi­ni di­le­ýär­ler. Her ýyl bu fes­ti­wa­ly ýa­kyn­dan syn­la­mak üçin müň­ler­çe sy­ýa­hat­çy Ýa­po­ni­ýa bar­ýar. Baý­ram­çy­lyk gi­je­si myh­man­la­ra mo­çi tü­wü­sin­den taý­ýar­la­nan de­sert­ler, tü­wü­den gaý­na­dy­lyp taý­ýar­la­nan «amad­za­ke» içim­li­gi hö­dür edil­ýär. Ka­ma­ku­ra gar öý­le­ri Ýo­ko­te der­ýa­sy­nyň ke­na­ryn­da, Ýo­ko­te ga­la de­pe­si­niň ete­gin­de gu­rul­ýar. Baý­ram­çy­lyk gi­je­si şä­her owa­dan gör­nü­şe eýe bol­ýar. Fes­ti­wal wag­tyn­da ga­la ba­ryp, ýal­pyl­da­wuk şä­he­ri ýo­kar­dan syn­lap bol­ýar. Mun­dan baş­ga-da, Do­ro-ko­en se­ýil­gä­hi­ne ba­ryp, ka­ma­ku­ra­nyň ta­ry­hy we nä­dip ýa­sal­ýan­dy­gy ba­ra­da gys­ga­ça sa­pak­la­ry hem alyp bol­ýar. Ka­ma­ku­ra fes­ti­wa­ly bi­rek-bi­rek bi­len dost­laş­ma­ga, ýa­kyn­laş­ma­ga we wag­ty­ňy şat­lyk­ly ge­çir­mä­ge müm­kin­çi­lik ber­ýän iň go­wy gyş­ky fes­ti­wal­la­ryň bi­ri­dir.

Gyzykly bolup bilerЕЩЕ ОТ АВТОРА