2-nji fewralda Türkmenistanyň Daşary işler ministrliginde Birleşen Milletler Guramasynyň hem-de
onuň ýurdumyzda we sebitde işleýän agentlikleriniň ýolbaşçylary we wekilleri bilen duşuşyk geçirildi. Maslahata BMG-niň agentlikleriniň, şol sanda BMG-niň Hemişelik utgaşdyryjysynyň, Ösüş maksatnamasynyň edaralarynyň, ÝUNISEF-iň, BSGG-niň, BMG-niň Adam hukuklary boýunça ýokary komissarynyň müdirliginiň (AHÝKM), BMG-niň ilat gaznasynyň (ÝNFPA), BMG-niň Bosgunlaryň işi boýunça Ýokary komissarynyň müdirliginiň (BÝKM), BMG-niň neşe serişdeleri we jenaýatçylyk boýunça müdirliginiň (NJM), BMG-niň azyk we oba hojalyk guramasynyň (FAO), Aziýa we Ýuwaş umman sebiti üçin ykdysady we durmuş komissiýasynyň (ESKATO), Migrasiýa boýunça halkara guramasynyň (MHG), Zähmeti guramagyň halkara guramasynyň (ZGHG) we beýlekileriň 30-a golaýy gatnaşdylar.

Şeý­le hem du­şu­şy­ga Bir­le­şen Mil­let­ler Gu­ra­ma­sy­nyň Mer­ke­zi Azi­ýa üçin Öňü­ni alyş dip­lo­ma­ti­ýa­sy bo­ýun­ça se­bit mer­ke­zi­niň we­kil­le­ri gat­naş­dy­lar.
Mas­la­ha­tyň bar­şyn­da şu ýyl üçin bel­le­ni­len me­ýil­na­ma­la­ry hem-de tas­la­ma­la­ry ne­ti­je­li dur­mu­şa ge­çir­me­giň me­se­le­le­ri bo­ýun­ça gi­ňiş­le­ýin pi­kir al­şyl­dy. Şu­nuň bi­len bag­ly­lyk­da, ge­çen ýy­lyň de­kab­ryn­da Türk­me­nis­ta­nyň hal­ka­ra gu­ra­ma­la­ry bi­len hyz­mat­daş­lyk bo­ýun­ça gol çe­ki­len yla­la­şyk­la­ryň äh­mi­ýe­ti bel­le­nil­di. Olar res­mi­na­ma­la­ryň 44-si­ni özün­de jem­le­ýär. Türk­me­nis­tan bi­len BMG-niň hyz­mat­daş­ly­gy­nyň esa­sy ugur­la­ry­nyň ha­ta­ryn­da bi­lim, sag­ly­gy go­ra­ýyş we dur­muş hyz­mat­la­ry, azyk howp­suz­ly­gy we eko­lo­gi­ýa bar.
Şo­nuň ýa­ly-da, Türk­me­nis­ta­nyň hö­kü­me­ti­niň we Bir­le­şen Mil­let­ler Gu­ra­ma­sy­nyň ara­syn­da 2021-2025-nji ýyl­lar üçin dur­nuk­ly ösüş ul­ga­myn­da hyz­mat­daş­ly­gyň çar­çu­wa­ly mak­sat­na­ma­sy­ny dur­mu­şa ge­çir­me­giň me­se­le­le­ri­ne ga­ral­dy. Bi­le­lik­dä­ki iş­le­riň ne­ti­je­le­ri­ne ba­ha be­ril­di. Hal­ka­ra dü­züm­le­ri­niň we­kil­le­ri Türk­me­nis­ta­nyň bi­le­lik­dä­ki yla­la­şyk­la­ry dur­mu­şa ge­çir­mek bo­ýun­ça işi­ne ýo­ka­ry ba­ha ber­di­ler.
Du­şu­şy­ga gat­na­şy­jy­lar go­laý­da Aş­ga­bat­da baş­la­nan Hal­ka­ra pa­ra­hat­çy­lyk we yna­nyş­mak ýy­ly­nyň äh­mi­ýe­ti­ni bel­le­di­ler. Şu­nuň bi­len bag­ly­lyk­da, bu ýy­ly ge­çir­me­giň «Ýol kar­ta­syn­da» bel­le­ni­len çä­re­ler ara al­nyp mas­la­hat­la­şyl­dy. Olar 2030-njy ýy­la çen­li Gün ter­ti­bi­niň çäk­le­rin­de Dur­nuk­ly ösü­şiň mak­sat­la­ry­na ýet­mä­ge my­na­syp go­şant go­şar.
* * *
3-nji few­ral­da Da­şa­ry iş­ler mi­nistr­li­gin­de Aw­to­mo­bil ulag­la­ry­nyň hal­ka­ra bir­le­şi­gi­niň (IRU) Baş sek­re­ta­ry Um­ber­to de Pret­to bi­len wi­deo­mas­la­hat ge­çi­ril­di.
Du­şu­şy­gyň do­wa­myn­da lo­gis­ti­ka­nyň we san­ly­laş­dyr­ma­gyň kä­mil­leş­di­ril­me­gi ar­ka­ly ulag-üs­ta­şyr ge­çel­ge­le­ri­niň has-da ös­dü­ril­me­gi­ne gö­nük­di­ri­len hyz­mat­daş­ly­gyň giň ge­rim­li me­se­le­le­ri ara al­nyp mas­la­hat­la­şyl­dy. 2016-njy ýyl­da Aş­ga­bat­da hor­mat­ly Pre­zi­den­ti­mi­ziň baş­lan­gy­jy bi­len ge­çi­ri­len Dur­nuk­ly ulag ul­ga­my bo­ýun­ça Bi­rin­ji Äh­lu­mu­my mas­la­ha­ty­nyň äh­mi­ýe­ti nyg­tal­dy.
Şu­nuň bi­len bag­ly­lyk­da, ta­rap­lar BMG-niň çäk­le­rin­de Türk­me­nis­ta­nyň we IRU-nyň ara­syn­da­ky gat­na­şyk­la­ra ýo­ka­ry ba­ha ber­di­ler, bu bol­sa ulag-üs­ta­şyr ge­çel­ge­le­ri­niň ös­dü­ril­me­gi bo­ýun­ça 2014, 2015 we 2017-nji ýyl­lar­da ka­bul edi­len de­giş­li res­mi­na­ma­la­ryň öňe iler­le­dil­me­gin­de öz be­ýa­ny­ny tap­dy.
Dün­ýä­de eme­le ge­len pan­de­mi­ýa ýag­daý­la­ry bi­len bag­ly­lyk­da, Türk­me­nis­ta­nyň adat­dan da­şa­ry ýag­daý­la­ryň do­wam ed­ýän döw­rün­de dur­nuk­ly hal­ka­ra gat­naw­la­ry­ny üp­jün et­mek bo­ýun­ça hormatly Prezidentimiziň baş­lan­gy­jy­ny dur­mu­şa ge­çir­mek ba­bat­da bi­le­lik­dä­ki iş­le­riň müm­kin­çi­lik­le­ri ara al­nyp mas­la­hat­la­şyl­dy.
IRU-nyň Baş sek­re­ta­ry La­zu­rit (La­pis La­zu­li) ge­çel­ge­si­niň, şeý­le hem De­mir­ga­zyk-Gü­nor­ta we Gün­do­gar-Gün­ba­tar ugur­la­ry bo­ýun­ça beý­le­ki ulag-üs­ta­şyr ge­çel­ge­le­ri­niň iş ýü­zün­de peý­da­lan­ma­gyn­da Türk­me­nis­tan bi­len hyz­mat­daş­ly­ga yg­rar­ly­dy­gy­ny bel­le­di. Şeý­le hem ta­rap­lar 2021-nji ýyl­da Türk­me­nis­tan­da ge­çi­ril­me­gi me­ýil­leş­di­ril­ýän Deň­ze çy­kal­ga­sy bol­ma­dyk ösüp bar­ýan ýurt­la­ryň mi­nistr­le­ri­niň Hal­ka­ra mas­la­ha­ty­na taý­ýar­lyk gör­lü­şi ba­ra­da­ky me­se­le­le­ri ara alyp mas­la­hat­laş­dy­lar.
* * *
Şol gün Türk­me­nis­ta­nyň hem-de Tä­ji­gis­tan Res­pub­li­ka­sy­nyň we­kil­le­ri­niň ara­syn­da wi­deo­gör­nüş­de ge­çi­ri­len iş mas­la­ha­ty­nyň gün ter­ti­bi­ne se­bit­de suw­dan ne­ti­je­li peý­da­lan­mak ba­ra­da­ky me­se­le­ler gi­ri­zil­di.
On­laýn du­şu­şy­ga Türk­me­nis­ta­nyň Suw ho­ja­ly­gy ba­ra­da­ky döw­let ko­mi­te­ti­niň, Tä­ji­gis­ta­nyň Ener­ge­ti­ka we suw se­riş­de­le­ri mi­nistr­li­gi­niň hem-de Ara­ly ha­las et­me­giň Hal­ka­ra gaz­na­sy­nyň ýe­ri­ne ýe­ti­ri­ji ko­mi­te­ti­niň ýol­baş­çy­la­ry we hü­när­men­le­ri, şeý­le hem iki ýur­duň il­çi­ha­na­la­ry­nyň we­kil­le­ri gat­naş­dy­lar.
Iş mas­la­ha­ty­na gat­na­şy­jy­lar Aral gur­şa­wy­nyň eko­lo­gi­ýa ýag­da­ýy­nyň go­wu­lan­dy­ryl­ma­gy­na, bu se­bit­de suw ho­ja­ly­gy­nyň, yk­dy­sa­dy­ýe­tiň we dur­muş ul­ga­my­nyň ös­dü­ril­me­gi­ne gö­nük­di­ri­lip, öňe sür­len tek­lip­le­riň iş ýü­zün­de dur­mu­şa ge­çi­ril­me­gi bo­ýun­ça pi­kir alyş­dy­lar.
Aral se­bi­tin­de yk­dy­sa­dy ösü­şiň, dur­muş aba­dan­çy­ly­gy­nyň we eko­lo­gi­ýa ýag­da­ýy­nyň sag­dyn­laş­dy­ryl­ma­gy­nyň suw se­riş­de­le­ri­ne el­ýe­ter­li­lik, oba ho­ja­ly­gyn­da ola­ryň oý­la­ny­şyk­ly we ne­ti­je­li peý­da­la­ny­ly­şy­nyň üp­jün edil­me­gi bi­len ys­ny­şyk­ly ara­bag­la­ny­şyk­ly­dy­gy­ny bel­le­di­ler.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА