Alty ýyllyk arakesmeden soň täze aýdym bilen dolanan angliýaly aýdymçy Adel Adkinsiň “Easy On Me” atly aýdymy rekord üstüne rekord goýýar. “Spotify” platformasynda bir günüň dowamynda iň köp diňlenen aýdym ugry boýunça rekordyň täze eýesi boldy. 24 million gezek diňlenen aýdym bu babatda koreýleriň pop topary BTS-iň “Butter” aýdymynyň rekordyny täzeledi (20,9 million gezek). Aýdym bir hepdäniň dowamynda-da 84 million 952 müň 932 gezek diňlenip, bu babatda-da golaýda rekordy täzelän Oliwiýa Rodrigonyň “Good 4 U” aýdymyndan öňe saýlandy. Aýdym Angliýada iň köp satylan aýdym bolup (227 müň 300 nusga), Ed Şiranyň rekordyny täzeledi. Aýdymyň şekilli aýdymy-da “Youtube”-de bir günüň dowamynda 47 million gezek tomaşa edildi.      

“Easy On Me” atly aýdym 33 ýaşyndaky aýdymçynyň “30” atly 4-nji albomynyň bir aýdymy bolup, albom 19-njy noýabrda halk köpçüligine ýetiriler.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА