4-5-nji maýda Daşkende Arkalaşygyň ýurtlarynyň meýletinçileriniň halkara forumy geçirilildi. Bu çäre “Daşkent – GDA-nyň ýaşlar paýtagty” maksatnamasynyň çäginde guraldy. Özbegistanyň paýtagtynyň Ýaşlar paýtagty diýen hormatly ada eýe bolmagy baradaky karar 2023-nji ýylda Garaşsyz Döwletleriň Arkalaşygynyň hökümet Baştutanlarynyň geňeşinde kabul edildi.
GDA ýurtlaryndan gelen meýletinçilik hereketiniň 100-den gowrak wekili meýletinçileriň işjeňligini artdyrmak, meýletinçilik hereketiniň ösüşine jemgyýetçiligiň ünsüni çekmek, netijeli meýletin modelleriň we tehnologiýalaryň üstünlikli tejribesini ýaýratmak üçin şert döretmek we Arkalaşygyň ýurtlarynyň ýaşlarynyň arasynda jemgyýetçilik taýdan işjeň pozisiýa döretmek meselelerini ara alyp maslahatlaşdylar. Forumyň maksatnamasy tegelek stollary, diskussiýa platformalaryny, ussatlyk sapaklaryny we seminarlary öz içine aldy. Foruma gatnaşyjylar strategik sessiýalary geçirip, fleş-mob guradylar.
Forumyň möhüm mowzugy, syýahatçylyk pudagynda işjeň durmuşyň we päsgelçiliksiz ýaşaýyş meýdanynyň meselelerinden ybarat boldy. Forumyň çäklerinde maýyp çagalaryň we ýaşlaryň işjeň durmuşyna bolan gyzyklanmasyny artdyrmaga gönükdirilen höweslendiriji duşuşyklar we wideo söhbetdeşlikler geçirildi.
Forumyň dowamynda haýyr-sahawat ýarmarkasy hem guralyp, onda ýöriteleşdirilen internat we ýetimler öýleriniň çagalarynyň 500-den gowrak eseri görkezildi. Meýletinçilik işleriniň ýene bir möhüm ugry bolsa, daşky gurşaw jogapkärçiligi, ekoulgamlary gorap saklamak we tebigata hormat goýmak baradaky bilimleri wagyz etmekdir. Bu çäre, GDA agza döwletleriň ynsanperwer hyzmatdaşlygy döwletara gaznasynyň goldawy bilen Özbegistanyň meýletinçiler birleşigi tarapyndan guraldy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА