Ispaniýanyň Şa Kubogy ýaryşynda “Atletiko Madrid” ýarym finala çykan 4-nji topar boldy. Myhmançylykda “Betis” bilen duşuşan madridliler garşydaşynyň derwezesinden jogapsyz 5 gol girizdi. Gollary 12-nji minutda Hansko, 30-njy minutda Simeone, 37-nji minutda Lukman, 62-nji minutda Grizmann hem-de 83-nji minutda Almada geçirdi. Duşuşykda täze transfer Ademola Lukman 1 gol, 1 asist bilen oýnap, ilkinji oýnunda janköýerlerden uly alkyş aldy.

Şeýlelikde, Ispaniýanyň Şa Kubogy ýaryşynda ähli ýarym finalçylar belli boldy. Çärýek finalyň 4 duşuşygynda-da myhmançylykdaky toparlar ýeňiş gazanmagy başardy. Ýagny “Barselona” “Albaseteni” 2-1, “Real Sosiedad” “Alawesi” 3-2, “Atletik Bilbao” “Walensiýany” 2-1 hasaplar bilen ýeňip, ýarym finala atlaryny ýazdyrdylar. Ýarym finalyň bijeleri şu gün çekilip, 1-nji duşuşyklar fewral aýynda, jogap oýunlary mart aýynda geçiriler.

Gyzykly bolup bilerЕЩЕ ОТ АВТОРА