Ispaniýanyň çempionaty “La Ligada” 15-nji tapgyryň çäginde “Barselona” garaşylmadyk ýagdaýda ýeňlişe sezewar boldy. Öz meýdançasynda “Las Palmas” bilen duşuşan katalonlar 2-1 hasabynda asgyn geldi. Gollaryň 3-si hem 2-nji ýarymda geçirilip, oýnuň 49-njy minutynda Ramires myhmanlary 1-0 öňe saýlady. Bu gola “Barselona” Rafinýanyň 61-nji minutdaky goly bilen jogap berdi. Oýnuň 67-nji minutynda bolsa garşylyklaýyn hüjümde Fabio Silwanyň goly bilen Kanar adalarynyň wekili 2-nji gezek öňe geçdi. Şunlukda, “Las Palmas” güýçli garşydaşyny 2-1 hasabynda ýeňmegi başardy. “Las Palmas” topary “Barselonany” soňky gezek 1986-njy ýylda 38 ýyl öň ýeňipdi. Şol bir wagtyň özünde bu olary “Barselonany” myhmançylykda 1972-nji ýyldan soň, ýagny 52 ýyldan bäri ilkinji ýeňşi hökmünde hasaba alyndy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА