Türk­me­niň bag­şy­çy­lyk sun­ga­ty ga­dy­my­ýet­den göz­baş alyp gaýd­ýan mil­li sun­gat­dyr. Bu sun­ga­tyň in­çe til­sim­le­ri­ni öw­ren­mek­, bag­şy­ di­ýen ab­raý­ly adyň eýe­si bol­mak­ üçin bir­nä­çe ýyl ha­ly­pa­lar­y diňläpdirler. Öz şä­gir­di­niň us­sat bag­şy bоlup ýe­ti­şen­di­gi­ne göz ýetiren ha­ly­pa­lar оla­ra ak pa­ta be­rip­dirler. Ha­ly­pa bag­şy­lar şä­girt­le­ri­ne toý-to­ma­şa­ly ýer­ler­de du­tar sow­gat edip­dir­ler.
Du­ta­ry­ň şirin owa­zy ba­ra­da gür­rüň edi­len­de, mil­li bag­şy­çy­lyk sun­ga­tyn­da öç­me­jek yz gal­dy­ryp gi­den meş­hur, ägirt us­sat­la­ryň keşp­le­ri göz öňüň­de jan­lan­ýar. Bag­şy­çy­lyk sun­ga­tyn­da tä­ze öwüş­gin­li ýe­ri­ne ýe­ti­ri­ji­lik usu­ly­ny kä­mil­leş­dir­mek­de öz ukyp­la­ry­ny, ze­hin­le­ri­ni, zäh­me­ti­ni gaý­gyr­madyk bu us­sat­lar hal­kyň aňyn­da ebe­di ýa­şa­ýarlar.
Türk­men halk aý­dym­la­ry­, mil­li saz sungaty hal­ky­my­za mah­sus öz­bo­luş­ly aý­ra­tyn­lyk­la­ry bi­len ta­pa­wut­lan­ýar. Du­ta­r­da ýerine ýetirilýän türkmen halk aý­dym­la­ry­, il­ki bi­len, adam­zat duý­gu­la­ry­nyň iç­ki dün­ýä­si­niň çuň­lu­gy­ny be­ýan ed­ýär.
Du­ta­ry­ň hoş owaz­la­ry­nyň be­lent­den ýaň­lan­ma­gy hem-de bu ugur­da ýaş du­tar­çy­la­ry hö­wes­len­dir­mek mak­sa­dy bi­len, her ýyl du­tar­çy bag­şy-sa­zan­da­la­ryň ara­syn­da «Çal­sa­na, bag­şy!» at­ly bäs­le­şik ge­çi­ril­ýär. Şu ýy­lyň iýun aýyn­da bu bäs­le­şi­giň Da­şo­guz, Le­bap we Ma­ry we­la­ýat­la­ry bo­ýun­ça jem­leý­ji tap­gyr­la­ry­ny ge­çir­mek göz öňün­de tu­tul­ýar.

Aman­gül JU­MA­DO­WA,
Türkmen döwlet binagärlik-gurluşyk institutynyň uly mugallymy.

Gyzykly bolup bilerЕЩЕ ОТ АВТОРА