Italiýanyň “Atalanta” toparynyň 11-nji tapgyrda öz meýdançasynda “Sassuolodan” 3-0 hasabynda utulmagyndan soň, klubuň tälimçisi, horwatiýaly hünärmen Iwan Ýuriçi wezipesinden boşadyldy. Topar onuň tälimçiliginde çempionatda 13-nji orna düşdi. Ýuriçiň tälimçilik eden 11 duşuşygynda “Atalanta” 2 gezek ýeňiş gazanyp, şonça sapar hem ýeňildi. 7 duşuşykda bolsa deňme-deň oýnady. Çempionlar Ligasynda bolsa 4 oýnuň birinde ýeňip, 2-sinde ýeňlişe sezewar boldy (1 deňlik). Şowsuz netijelerden soň 50 ýaşyndaky tälimçi 10-njy noýabrda topardan ugradyldy.

Ýeri gelende bellesek, Iwan Ýuriç geçen ýylyň hem 10-njy noýabrynda “Roma” toparynyň tälimçiliginden boşadylypdy. Ýuriç geçen ýylyň dekabr aýynyň ahyrlarynda “Premier Liganyň” wekili “Southempton” toparynyň tälimçiligine bellenip, şu ýylyň aprelinde-de şol wezipesini taşlapdy. “Southempton” topary aşaky liga düşüpdi.

“Atalanta” toparyny 9 ýyl türgenleşdiren Jan Piero Gasperini tomusda “Romanyň” tälimçisi wezipesine bellenilipdi.

Gyzykly bolup bilerЕЩЕ ОТ АВТОРА