Halkara parahatçylyk we ynanyşmak ýylynda türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň pähim-parasatly ynsanperwer adyl syýasaty netijesinde türkmen döwleti öz asyl häsiýetine eýerip, dünýäde parahatçylygy, ynanyşmagy berkitmäge gönükdirilen paýhas ýörelgelerini öňe sürýär. Alym Arkadagymyz «Hoşmeýilli Bitaraplyk ata-babalarymyzyň ädimme-ädim sünnäläp gelen iňňän ynsanperwer ýol-ýörelgeleriniň biridir» diýip, bitaraplygyň kökleriniň halkymyzyň müňýyllyklara uzaýan taryhy bilen aýrylmaz baglanyşyklydygyny belleýär. Türkmen halky sagdyn ýörelgelere eýerip, öz asyl ruhy gymmatlyklaryny aýawly saklap, olary durmuşyň ähli ugurlary bilen baglanyşdyrypdyr.
Türk­men döw­le­ti­niň saý­lap alan Bi­ta­rap­lyk ýö­rel­ge­si öňe sür­len il­kin­ji gün­le­rin­den dün­ýä bi­le­le­şi­gi ta­ra­pyn­dan uly gol­da­wa eýe bol­dy. Bir­le­şen Mil­let­ler Gu­ra­ma­sy özü­niň Baş As­samb­le­ýa­sy­nyň 1995-­nji ýy­lyň 12­nji de­kab­ryn­da­ky hem-­de 2015-­nji ýy­lyň 3­-nji iýu­nyn­da­ky «Türk­me­nis­ta­nyň he­mi­şe­lik bi­ta­rap­ly­gy» ba­ra­da­ky Re­zol­ýu­si­ýa­syn­da Türk­me­nis­ta­nyň yg­lan eden he­mi­şe­lik hu­kuk ýag­da­ýy­ny ikin­ji ge­zek yk­rar et­di we gol­da­dy. Bu Re­zol­ýu­si­ýa Gu­ra­ma­nyň ag­za döw­let­le­ri Türk­me­nis­ta­nyň Bi­ta­rap­lyk hu­kuk ýag­da­ýy­na hor­mat goý­ma­ga we gol­da­ma­ga, şeý­le hem onuň Ga­raş­syz­ly­gy­na, özyg­ty­ýar­ly­ly­gy­na we çäk bi­te­wü­li­gi­ne hor­mat goý­ma­ga ça­gyr­ýar. Şeý­le hem 2017-­nji ýy­lyň 2-­nji few­ra­lyn­da Bir­le­şen Mil­let­ler Gu­ra­ma­sy­nyň Baş As­samb­le­ýa­sy­nyň 71-­nji mej­li­sin­de 12-­nji de­kab­ry «Hal­ka­ra Bi­ta­rap­lyk gü­ni» di­ýip yg­lan et­mek ba­ra­da­ky Re­zol­ýu­si­ýa­sy­nyň ka­bul edil­me­gi Wa­ta­ny­my­zyň dün­ýä gi­ňiş­li­gin­dä­ki ýo­ka­ry ab­ra­ýy­nyň, se­bit we dün­ýä möç­be­rin­de pa­ra­hat­çy­ly­gy, howp­suz­ly­gy we dur­nuk­ly ösü­şi üp­jün et­mek­de sal­dam­ly go­şan­dy­nyň äh­lu­mu­my yk­rar edil­me­gi­niň ýe­ne-­de bir aý­dyň su­but­na­ma­sy bol­dy. Türk­men döw­le­ti hä­zir­ki döw­rüň gaý­ra­go­ýul­ma­syz me­se­le­le­ri bo­lan hal­ka­ra ener­ge­ti­ka howp­suz­ly­gy­na, äh­li ýurt­la­ryň dur­nuk­ly ösü­şi­ni ga­zan­mak­ly­ga sal­dam­ly go­şant goş­ýar. Se­bi­ti­miz­de we Gü­nor­ta Azi­ýa­da pa­ra­hat­çy­ly­gy, yla­la­şy­gy we ösü­şi üp­jün et­mek­de aý­ra­tyn äh­mi­ýe­te eýe bol­jak Türk­me­nis­tan–Ow­ga­nys­tan–Pa­kis­tan–Hin­dis­tan trans­mil­li gaz ge­çi­ri­ji­si­niň gur­lu­şy­gy­nyň al­nyp ba­ryl­ma­gy türk­men döw­le­ti­niň pa­ra­hat­çy­ly­k­sö­ýü­ji, yn­san­per­wer sy­ýa­sa­ty­nyň da­ba­ra­lan­ýan­dy­gy­ny gör­kez­ýär. Şu hem bi­ziň döw­le­ti­mi­ziň ýa­kyn we alys ýurt­lar bi­len hoş­ni­ýet­li gat­na­şyk­la­ra gir­me­gi­ne we ser­he­di­niň dost­-do­gan­lyk ser­he­de öw­rül­me­gi­ne esas­la­ry dö­ret­di. Türk­men Bi­ta­rap­ly­gy­nyň tä­sir­li­li­gi, onuň aý­ra­tyn­lyk­la­ry bi­len bag­ly bo­lup, ýur­du­my­zyň ta­ry­hy­ny, ge­og­ra­fi­k we geo­sy­ýa­sy ýag­da­ýy­ny, türk­men hal­ky­nyň asyl­ly däp­le­ri­ni şöh­le­len­dir­ýän­di­gi­ni bel­le­me­li.
Bi­ta­rap­lyk bü­tin dün­ýä­de pa­ra­hat­çy­ly­gy ün­de­ýän, halk­la­ry bag­ty­ýar­ly­ga ça­gyr­ýan hem­-de yn­san­per­wer­li­gi wa­gyz ed­ýän ýö­rel­ge­le­ri ýaý­ýan tag­ly­mat bo­lup, il­kin­ji no­bat­da, türk­men hal­ky­nyň pa­ra­hat­çy­lyk­sö­ýü­ji hä­si­ýe­ti­niň, şeý­le hem goň­şu­lar we alys döw­let­ler bi­len pa­ra­hat­çy­lyk­ly hem­-de yla­la­şyk­ly ýa­şa­ma­ga ça­lyş­ma­gy­nyň be­ýa­ny­dyr. Dün­ýä­de pa­ra­hat­çy­ly­gy we dur­nuk­ly ösü­şi ga­zan­mak­da şu hi­li çe­me­leş­me­ler Türk­me­nis­ta­nyň Bir­le­şen Mil­let­ler Gu­ra­ma­sy we beý­le­ki hal­ka­ra gu­ra­ma­lar bi­len hyz­mat­daş­ly­gy­ny soň­ky dö­wür­de hil taý­dan tä­ze de­re­jä çy­kar­dy. Ag­zy­bir­li­giň, dost­-do­gan­ly­gyň, asu­da­ly­gyň, hoş­ni­ýet­li goň­şu­çy­ly­gyň ýur­dy hök­mün­de dün­ýä­de giň­den ta­nal­ýan Türk­me­nis­tan döw­le­ti hal­ka­ra hyz­mat­daş­ly­gy­na açyk­ly­gy bi­len meş­hur­ly­ga eýe bol­ýar. Bi­ta­rap­lyk sy­ýa­sa­ty­nyň hal­ka­ra de­re­je­sin­de yk­rar edil­me­gi Gah­ry­man Ar­ka­da­gy­my­zyň «Ösüş ar­ka­ly pa­ra­hat­çy­lyk» tag­ly­ma­ty bi­len pug­ta bag­la­ny­şyk­ly­dyr. Dün­ýä­de dost­luk­ly gat­na­şyk­la­ryň ber­ke­me­gi ba­ra­da ta­gal­la­la­ry ed­ýän Gah­ry­man Ar­ka­da­gy­my­zyň hem-de Ar­ka­dag­ly Gah­ry­man Ser­da­ry­my­zyň jan­la­ry sag, ömür­le­ri uzak, il-ýurt bäh­bit­li, dün­ýä äh­mi­ýet­li iş­le­ri ro­waç bol­sun!

Bek­gi ARS­LA­NOW,
Ýagşygeldi Kakaýew adyndaky Halkara nebit we gaz uniwersitetiniň öwrenji-mugallymy, Türkmenistanyň Ýaşlar baýragynyň eýesi, ýaş alym.

Gyzykly bolup bilerЕЩЕ ОТ АВТОРА