8-12-nji awgust aralygynda Pekinde geçiriljek Bütindünýä robot tehnikalary maslahatynda 100-den gowrak öňdebaryjy robot tehnikalary ilkinji gezek görkeziler, bu bolsa geçen ýyldakydan iki esse köpdür. Bu innowasiýa üçin global platforma hökmünde maslahatyň barha artýan ähmiýetini tassyklaýar.

Maslahat Pekiniň “Beijing E-Town” atly ykdysady we tehnologik ösüş zolagynda guralar. Bu çärede dünýäniň 200-den gowrak öňdebaryjy robot kompaniýasynyň 1500-den gowrak eksponaty görkeziler. Çäräniň esasy aýratynlygy gatnaşyjylara akylly maşynlaryň geljegine göz aýlamaga mümkinçilik berýän ösen robotlaryň ilkinji görkezilişi bolar. Bu maslahatda 50 kompaniýa öz işläp taýýarlan adampisind robotlaryny we olaryň ukyplaryny görkezer. 

Hytaýyň elektronika institutynyň başlygy Sýuý Sýaolanyň pikiriçe, Hytaý 2024-nji ýylda robot tehnikalary boýunça global patent arzalarynyň üçden iki bölegini tabşyryp, bu ugurda öňdeligi eýeledi we 556 müň senagat robotyny öndürdi. Soňky 10 ýylda maslahata gatnaşýan halkara guramalarynyň sany 12-den 28-e, daşary ýurtly gatnaşyjylaryň sany bolsa, 10-dan 80-e ýetdi.

Hytaýyň elektronika instituty we Bütindünýä robot hyzmatdaşlygy guramasy tarapyndan bilelikde guralýan bu maslahatyň rekord derejede halkara guramalaryny özüne çekmegine garaşylýar. Maslahat bilen bir wagtda, pudagyň döwrebaplaşdyrylmagyna we sarp edijileriň isleglerini giňeltmäge gönükdirilen robot tehnikasy şüweleňi hem guralar.

Gyzykly bolup bilerЕЩЕ ОТ АВТОРА