Bütindünýä saglyk güni – adamzat üçin möhüm sene

Her ýylyň 7-nji aprelinde dünýäde giňden bellenilýän Bütindünýä saglyk güni adam saglygynyň gymmatyny nygtamak we jemgyýetde sagdyn ýaşaýyş ýörelgelerini wagyz etmek maksady bilen geçirilýär. Bu sene 1948-nji ýylda döredilen Bütindünýä Saglygy Goraýyş Guramasy bilen berk baglanyşyklydyr. Guramanyň döredilen güni bilen baglylykda, bu baýramçylyk dünýä jemgyýetçiligini saglyk meselelerine ünsi güýçlendirmäge çagyrýar.

«Bü­tin­dün­ýä sag­lyk gü­ni yn­san sag­ly­gy­na, be­den­ter­bi­ýe we spor­ta aý­ra­tyn äh­mi­ýet be­ril­ýän hem-de yn­san­per­wer­li­giň be­lent däp­le­ri­ni da­ba­ra­lan­dyr­ýan hal­ka­ra baý­ram­dyr. Mil­li se­ne­na­ma­my­za gi­ri­zi­len bu baý­ram jem­gy­ýe­ti­mi­ziň sag­dyn­ly­gy­ny, ag­zy­bir­li­gi­ni, je­bis­li­gi­ni, ägirt uly dö­re­di­ji­lik müm­kin­çi­lik­le­ri­ni özün­de jem­le­ýän baý­ram hök­mün­de eziz Di­ýa­ry­myz­da döw­let de­re­je­sin­de giň­den bel­le­nil­ýär» di­ýip, hor­mat­ly Prezidentimiz bel­le­ýär.
Her ýyl bu gün bel­li bir te­ma ba­gyş­lan­ýar. Bu te­ma­lar dür­li ke­sel­le­riň öňü­ni al­mak, sag­lyk, sag­dyn iý­mit­len­mek ýa-da fi­zi­ki iş­jeň­lik ýa­ly mö­hüm ugur­la­ry öz içi­ne al­ýar. Şeý­le çä­re­ler di­ňe saglygy goraýyş ulgamynyň iş­gär­le­ri­niň däl, eý­sem, äh­li jem­gy­ýe­tiň gat­naş­ma­gy­ny ta­lap ed­ýär.
Sag­lyk di­ňe ke­se­liň ýok­lu­gy däl, eý­sem, ada­myň be­den, ru­hy we dur­muş taý­dan do­ly aba­dan­çy­lyk­da bol­ma­gy­dyr. Şo­nuň üçin sag­ly­gy go­ra­mak di­ňe bir luk­man­la­ryň işi däl, eý­sem, her bir ada­myň öz jo­gap­kär­çi­li­gi bo­lup dur­ýar. Sag­dyn dur­muş ýö­rel­ge­si üçin şu şert­ler aý­ra­tyn äh­mi­ýet­li­dir. Olar aras­sa daş­ky gur­şaw­dan, dog­ry iý­mit­len­mek­den, yzy­gi­der­li fi­zi­ki iş­jeň­lik­den, ru­hy de­ňag­ram­ly­lyk­dan we zy­ýan­ly en­dik­ler­den daş­da dur­mak­dan yba­rat­dyr.
Hä­zir­ki wagt­da otu­ryp iş­le­mek we he­re­ke­tiň az­ly­gy köp ke­sel­le­riň döremegine se­bäp bol­ýar. Şo­nuň üçin gün­de­lik fi­zi­ki iş­jeň­lik hök­ma­ny­dyr. Gün­de azyn­dan 30 mi­nut ge­ze­lenç et­mek, sport bi­len meş­gul­lan­mak (ýo­ga, ýüz­mek, yl­ga­mak), ir­den be­den maşk­la­ry­ny ýe­ri­ne ýe­tir­mek ada­myň fi­zi­ki iş­jeň­li­gi­ni ýo­kar­lan­dyr­ýar. Fi­zi­ki iş­jeň­lik ýü­rek-da­mar ul­ga­my­ny güýç­len­dir­ýär, se­miz­lik­den go­ra­ýar we ru­hy ýag­da­ýy go­wu­lan­dyr­ýar.
Sag­lyk di­ňe şah­sy däl, eý­sem, jem­gy­ýet­çi­lik gym­mat­ly­gy­dyr. Döw­le­ti­miz ta­ra­pyn­dan dö­re­dil­ýän şert­ler sag­dyn jem­gy­ýe­tiň esa­sy­ny düz­ýär.
Köp­çü­lik­le­ýin spor­tuň ös­dü­ril­me­gi döw­let sy­ýa­sa­ty­nyň ile­ri tu­tul­ýan ugur­la­ry­nyň bi­ri bo­lup dur­ýar. Şu aý­da ge­çi­ril­ýän bu çä­re­ler ýaş nes­liň be­den­ter­bi­ýä bo­lan hö­we­si­ni art­dyr­ma­ga we jem­gy­ýet­de sag­dyn dur­muş ýö­rel­ge­si­ni ber­kit­mä­ge hyz­mat ed­ýär. Ap­rel aýy­nyň do­wa­myn­da ge­çi­ril­ýän hal­ka­ra sport mas­la­hat­la­ry bol­sa, ýur­du­my­zyň sport dip­lo­ma­ti­ýa­syn­da­ky or­nu­ny has-da ber­kid­ýär.
Bü­tin­dün­ýä sag­lyk gü­ni di­ňe bir baý­ram­çy­lyk däl, eý­sem, adam­la­ry sag­ly­gyň gym­ma­ty ba­ra­da oý­lan­ma­ga iter­ýän mö­hüm pur­sat­dyr. Her bir adam öz sag­ly­gy­ny go­ra­mak üçin gün­de­lik dur­mu­şyn­da sag­dyn ýö­rel­ge­le­ri ber­jaý et­me­li.

Jemal Kadyrowa,
Türkmen döwlet binagärlik-gurluşyk institutynyň talyby.