Angliýanyň “Premier Ligasynda” täze ýylyň ilkinji günlerinde 2 uly klub tälimçisini çalyşdy. Ýagny “Çelsiden” soň “Mançester Ýunaýted” hem tälimçisini ugratdy. “Mançester Ýunaýted” 2024-nji ýylyň noýabrynda  bellenen 40 ýaşyndaky (27-nji ýanwarda 41 ýaşaýar) portugaliýaly Ruben Amorimiň tälimçiliginde 63 oýunda 25 ýeňiş gazandy. 23 oýunda utulyp, 15 duşuşykda deňme-deň oýnady. Şu möwsümde 20 tapgyry tamamlanan Angliýanyň çempionatynda “Mançester Ýunaýted” 31 utuk toplap, 6-njy orunda barýar.

Ruben Amorim “Mançester Ýunaýtedden” öň Sporting” toparyny türgenleşdirip, lissabonlylar bilen 2-si çempionlyk jemi 5 kubok gazanypdy. Ol “Sportingden” öňem “Braga” toparyna tälim berip, ýurduň kubogyny eýeläpdi.

“Mançester Ýunaýted” esasy tälimçisini tapýança, topara wagtlaýynça klubuň ozalky oýunçylaryndan Darren Fletçer tälim berer.

 

Gyzykly bolup bilerЕЩЕ ОТ АВТОРА