Türkiýäniň “Galatasaraý” topary “Napoliniň” nigeriýaly hüjümçisi Wiktor Osimheni ymykly düzümine goşdy. Türk kluby “Napoli” toparyna 75 million ýewro tölär. Şunlukda, Osimhen Türkiýäniň “Süper Ligi”-niň taryhyndaky iň gymmat transfer hökmünde hasaba alyndy. Türk topary Osimhen bilen 4 ýyllyk şertnama baglaşdy. Türk topary nigeriýaly hüjümçä ýyllyk 21 million ýewro hak tölär. Osimhen geçen möwsümde hem “Galatasaraýda” kärendesine oýnap, ol stambullylaryň düzüminde 41 oýunda 37 gol geçirdi. “Wolfsburgda” futbola başlan Osimhen “Napoliden” öň “Şarlerua”, “Lill” toparlarynda oýnady. “Napolide” 4 möwsümde 133 oýunda 76 gol salan 26 ýaşyndaky hüjümçi “Serie A”-nyň çempionlygyny hem gazandy. Osimhen Nigeriýanyň ýygyndysynda 40 oýunda 26 goly derwezä girizdi.

Gyzykly bolup bilerЕЩЕ ОТ АВТОРА