Futbol janköýerleriniň iň söýgüli ýaryşy hasaplanýan UEFA Çempionlar ligasynda iki aýlyk arakesmeden soň 1/8 finalyň oýunlarynda badalga berler. Ertir, 16-njy fewralda ýagny sişenbe güni belki-de bu tapgyryň iň esasy oýny “Barselona”–PSŽ duşuşygy oýnalar. Şeýle-de “Leipsig” bilenem çempionatda ýeňiş gazanmakda kynçylyk çekýän “Liwerpul” topary Budapeştdäki Puşkaş Arenada özara güýç synanyşarlar. Iki duşuşyk hem Aşgabat wagty bilen ýarygijden soň, 01:00-da başlar. Duşuşygyň Wengriýada oýnalmagynyň esasy sebäbi dünýäde emele gelen çylşyrymly ýagdaýlar bolup, 24-nji fewraldaky “Borussiýa M”–“Mançester Siti” duşuşygy hem şol stadionda, 23-nji fewraldaky “Atletiko Madrid”-“Çelsi” duşuşygy bolsa, Rumyniýanyň paýtagty Buharestde oýnalar. UEFA Ýewropa ligasynda-da birnäçe duşuşygyň geçiriljek ýerleri üýtgedildi.

17-nji fewralda, çarşenbe güni “Porto” öz meýdançasynda “Ýuwentusy”, “Sewilýa” bolsa Borussiýa Dortmundy” kabul eder. 1/8 finalyň galan 4 duşuşygy soňky hepdede, ýagny 23-24-nji fewralda oýnalar. 23-nji fewralda “Lasio”–“Bawariýa”, “Atletiko Madrid”-“Çelsi”, 24-nji fewralda bolsa, “Borussiýa M”-“Mançester Siti” hem-de “Atalanta”–“Real Madrid” duşuşyklary geçiriler. 1/8 finalyň jogap oýunlary-da 9-10-njy we 16-17-nji martda oýnalar.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА