Afrika Milletler Kubogynyň finalynda Müsüriň ýygyndysyny penaltileriň netijesinde ýeňip, taryhynda ilkinji gezek çempionlyk gazanan Senegalyň ýygyndysy ýurduň Prezidenti Maki Sall tarapyndan kabul edildi. Prezident köşgünde geçirilen şol çärede toparyň ähli agzasy ýurduň abraýly döwlet sylaglarynyň biri bolan “Milli ýolbars” ordeni bilen sylaglandy. Galyberse-de, toparyň her futbolçysyna 87 müň amerikan dollary pul sylagy bilen bir hatarda paýtagt Dakardan 2 sany ýer bölegi sowgat berildi. Ilkinji gezek yklym ýaryşynda kubogy gazanan Senegalyň ýygyndysynyň futbolçylary çempionlykdan soň üsti açyk awtobus bilen paýtagt Dakaryň köçelerinde halkyň gutlagyny kabul edipdi. Şäheriň iri köçelerinde müňlerçe janköýeriň arasynda kubokly gezelenç edipdi.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА