Golf boýunça ýylyň 4 uly bäsleşiginiň biri bolan “Masters” (Ussatlar) ýaryşynda amerikaly Dastin Jonson ýeňiş gazandy. ABŞ-nyň Jorjia ştatynda geçirilen 84-nji “Masters” ýaryşynda Dastin Jonson iň az ýalňyş goýberen türgen boldy. Ol jemi 268 utuk bilen ilkinji gezek “Masters” ýaryşynyň kubogyny eýeledi. Bu onuň 2016-njy ýylda gazanan “Amerika Açyk” ýaryşyndan soň, uly bäsleşiklerdäki 2-nji çempionlygydyr. 36 ýaşly golfçy  2 million 70 müň dollarlyk pul baýragyna mynasyp boldy.

“Masters” ýaryşy möwsümiň 1-nji uly bäsleşigi bolup, ol adatça aprel aýynda geçirilmelidi. Bu ýaryşdan soň golfda her PGA çempionaty, “Amerika Açyk” hem-de “Açyk” çempionat ýaryşlary ýylyň uly bäsleşikleri hökmünde geçirilýär.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА