Golaýda arap işewürleri tarapyndan satyn alnan we häzirki wagtda dünýäniň iň baý kluby hasaplanýan Angliýanyň Nýukasl toparynyň täze tälimçisi belli boldy. Stiw Brýusy wezipesinden boşadan klub 2 hepdeden bäri tälimçisizdi. Iki hepdelik döwürde Fonseka, Konte, Mourinio, Rojers… ýaly birnäçe tälimçiniň ady agzalypdy. Netijede, angliýaly hünärmen Eddi How Nýukaslyň täze tälimçisi wezipesine bellenildi. 43 ýaşyndaky tälimçi Nýukasl bilen 2,5 ýyllyk şertnama gol çekişdi.

Eddi How Bornmut toparyna 8 ýyl tälim bereninden soň 2020-nji ýylyň awgustynda wezipesini taşlapdy. Eddi How özüniň täze wezipesi bilen baglanyşykly “Öňümizde etmeli köp iş bar” diýip, beýanat berdi.

Nýukasl topary 11 tapgyrdan soň bir gezek hem ýeňiş gazanyp bilmän, 5 utuk bilen 19-njy orunda barýar.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА