Ýurdumyzda möhüm oba hojalyk möwsümi bolan galla oragy gyzgalaňly dowam edýär. Oba hojalykçylaryň galla oragy möwsümine ähli taraplaýyn ykjam taýýarlyk görmegi, orak möwsüminde ähli işçi düzümiň sazlaşykly alnyp barylmagyna, kärendeçileriň ýylyň dowamynda çeken päk zähmetiniň netijesinde ýetişen hasyly çalt we ýitgisiz ýygnap Watan harmanyna tabşyrmaga uly mümkinçilik berýär. Munuň şeýledigine orak geçirilen ýerleriň gektar sanynyň barha artýandygy, galla harmanlarymyzyň gün-günden beýgelýändiginiň mysalynda hem aýdyň görmek bolýar.

31-nji maý­da ge­çi­ri­len Mi­nistr­ler Ka­bi­ne­ti­niň mej­li­sin­de tas­syk­la­nan ter­ti­be la­ýyk­lyk­da, Ahal, Le­bap, Ma­ry we­la­ýat­la­ry­nyň eke­ran­çy­la­ry gal­la ora­gy­na 7-nji iýun­da, Bal­kan we Da­şo­guz we­la­ýat­la­ry­nyň gal­la­çy­la­ry bol­sa 14-nji iýun­da gi­riş­di­ler. Şu ýyl türk­men gal­la­çy­la­ry­na bug­da­ýy ös­dü­rip ýe­tiş­dir­mek üçin bö­lü­nip ber­len 690 müň gek­tar ýer­den 1 mil­li­on 400 müň ton­na, şol san­da Ahal we­la­ýa­tyn­da 400 müň, Ma­ry we­la­ýa­tyn­da 345 müň, Le­bap we­la­ýa­tyn­da 310 müň, Da­şo­guz we­la­ýa­tyn­da 265 müň, Bal­kan we­la­ýa­tyn­da hem 80 müň ton­na gal­la ha­sy­ly­ny ýyg­nap al­mak we­zi­pe­si öň­de go­ýul­dy.
Se­bit­le­riň eke­ran­çy­la­ry ekiş möw­sü­mi­niň do­wa­myn­da bug­da­ýyň we­la­ýat­la­ryň top­rak-ho­wa şert­le­ri­ne la­ýyk gel­ýän, ýo­ka­ry ha­syl­ly gör­nüş­le­ri­ni ek­di­ler. 2024-nji ýy­lyň gal­la ora­gyn­da dä­ne ýy­gy­jy kom­baýn­lar­dan, döw­re­bap ýo­ka­ry ön­dü­ri­ji­lik­li teh­ni­ka­lar­dan peý­da­la­nyl­ýar. Oba­se­na­gat top­lu­my­na ge­lip go­wuş­ýan gal­la kom­baýn­la­ry­nyň en­jam­laş­dy­ry­lyş de­re­je­si­niň, ön­dü­ri­ji­lik kuw­wa­ty­nyň ýo­ka­ry hal­ka­ra ül­ňü­le­re do­ly la­ýyk gel­ýän­di­gi­ni bel­le­mek ge­rek. San­ly ul­gam ar­ka­ly do­lan­dy­ryl­ýan kom­baýn­lar­da me­ha­ni­za­tor­la­ryň ön­dü­ri­ji­lik­li işi­niň üp­jün edil­me­gin­de mö­hüm äh­mi­ýe­ti bo­lan äh­li ze­rur şert­ler göz öňün­de tu­tu­lyp­dyr.
Orak döw­rün­de göç­me abat­la­ýyş-me­ha­ni­ki to­par­lar gal­la­çy­la­ra gi­je-gün­diz hyz­mat edip, ola­ry äh­li ze­rur­lyk­lar – ýan­gyç-çal­gy ýag­la­ry, äti­ýaç­lyk şaý­la­ry bi­len üp­jün ed­ýär. Me­ha­ni­za­tor­lar, sü­rü­ji­ler, ora­ga gat­naş­ýan beý­le­ki iş­gär­ler üçin zäh­me­ti go­ra­mak we ýan­gyn howp­suz­ly­gy bo­ýun­ça gö­zük­dir­me iş­le­ri ge­çi­ril­di. Meý­dan dü­şel­ge­le­rin­de ola­ryň ta­la­ba­la­ýyk zäh­met çek­mek­le­ri, dynç al­mak­la­ry ba­bat­da ze­rur şert­ler dö­re­dil­di. Me­de­ni­ýet iş­gär­le­ri­niň çy­kyş­la­ry, göç­me söw­da no­kat­la­ry­nyň işi gu­ral­dy. Ýyg­na­lyp al­nan ha­sy­lyň ka­bul ediş bö­lüm­le­ri­ne, am­mar­la­ra we ele­wa­tor­la­ra da­şal­ma­gy­ny ýük aw­tou­lag­la­ry üp­jün ed­ýär. «Türk­mens­tan­dart­la­ry» baş döw­let gul­lu­gy­nyň bar­lag­ha­na­la­ry ön­jeý­li iş­le­ýär­ler. Ola­ryň hü­när­men­le­ri iň tä­ze en­jam­la­ryň kö­me­gi bi­len meý­dan­lar­dan ge­lip go­wuş­ýan dä­nä­niň hi­li­ni des­sin kes­gitl­eýär­ler.
15-nji iýun­da hor­mat­ly Pre­zi­den­ti­miz ýur­du­my­zyň gün­ba­tar se­bi­ti­ne iş sa­pa­ry­ny ama­la aşy­ryp, we­la­ýat­la­ry dur­muş-yk­dy­sa­dy taý­dan ös­dür­me­giň döw­let mak­sat­na­ma­sy­nyň dur­mu­şa ge­çi­ri­li­şi hem-de gal­la ora­gy­nyň dep­gi­ni bi­len ta­nyş­dy. Bu ýer­de döw­let Baş­tu­ta­ny­my­zy «Ar­kaç» daý­han bir­le­şi­gi­niň kä­ren­de­çi­le­ri do­gan­lar An­na­gu­ly we Aşyr­gu­ly An­na­gu­ly­ýew­le­riň yh­la­sy bi­len ýe­tiş­di­ren bug­daý ha­sy­ly­nyň ora­gy­na baş­la­ma­ga ak pa­ta ber­di.
Eke­ran­çy­la­ryň tu­tan­ýer­li zäh­me­ti bi­len ýe­tiş­di­ri­len bol ha­sy­ly ýyg­na­ma­gyň ýo­ka­ry dep­gin­le­ri ýur­du­myz­da azyk bol­çu­ly­gy­ny üp­jün et­mek, ila­tyň azyk önüm­le­ri­ne bo­lan is­leg­le­ri­ni do­ly ka­na­gat­lan­dyr­mak bo­ýun­ça çä­re­le­riň ne­ti­je­li­li­gi­niň aý­dyň gör­ke­zi­ji­si­dir, şeý­le hem öň­de goý­lan we­zi­pe­le­riň üs­tün­lik­li ýe­ri­ne ýe­ti­ril­me­gi­niň baş şer­ti­dir. Hor­mat­ly Pre­zi­den­ti­mi­ziň bel­leý­şi ýa­ly, hä­zir­ki wagt­da öň­de du­ran mö­hüm we­zi­pe gal­la ora­gy möw­sü­mi­ni ýo­ka­ry de­re­je­de we gu­ra­ma­çy­lyk­ly ge­çir­mek­den yba­rat­dyr. Mu­nuň özi saz­la­şyk­ly ösüş ýo­lu­na dü­şen Wa­ta­ny­my­zyň aba­dan­çy­ly­gy­nyň, hal­ky­my­zyň bag­ty­ýar dur­mu­şy­nyň üp­jün edil­me­gi­ne gö­nük­di­ri­len iş­le­riň ne­ti­je­li bol­ma­gy­ny üp­jün eder.
Gah­ry­man Ar­ka­da­gy­my­zyň baş­lan­gy­jy bi­len oba ho­ja­ly­gy pu­da­gyn­da ýaý­baň­lan­dy­ry­lan mak­sat­na­ma­la­ýyn iş­ler Ar­ka­dag­ly Gah­ry­man Ser­da­ry­my­zyň baş­tu­tan­ly­gyn­da hil taý­dan tä­ze de­re­jä çy­ka­ryl­ýar. Oba­se­na­gat top­lu­my­nyň dü­züm­le­ri­niň hem-de hyz­mat ed­ýän pu­dak­la­ryň teh­ni­ki taý­dan en­jam­laş­dy­ryl­ma­gy­na, döw­re­bap­laş­dy­ryl­ma­gy­na, ele­wa­tor­la­ryň, gaý­ta­dan iş­le­ýän oba ho­ja­lyk kär­ha­na­la­ry­nyň, mi­ne­ral dö­kün­le­ri ön­dür­ýän za­wod­la­ryň, suw ho­ja­lyk des­ga­la­ry­nyň gur­lu­şy­gy­na ma­ýa go­ýum se­riş­de­le­ri gö­nük­di­ril­ýär. Bu iş­ler ýur­du­myz­da azyk bol­çu­ly­gy­nyň üp­jün edil­me­gi ba­bat­da mö­hüm we­zi­pe­le­riň üs­tün­lik­li çö­zül­me­gi­ne ýar­dam ber­ýär. Oba ho­ja­ly­gy­ny mun­dan beý­läk-de ok­gun­ly ös­dür­mek üçin uly müm­kin­çi­lik­ler açyl­ýar.
Türk­me­nis­tan­da azyk üp­jün­çi­li­gi­ni pug­ta­lan­dyr­mak, oba ho­ja­ly­gyn­da ge­çi­ril­ýän öz­gert­me­le­ri has-da kä­mil­leş­dir­mek, bu ugur­da­ky iş­le­ri döw­re­bap usul­da gu­ra­mak we pu­da­ga hu­su­sy önüm ön­dü­ri­ji­le­ri giň­den çek­mek iş­le­ri mak­sat­na­ma­la­ýyn esas­da al­nyp ba­ryl­ýar. Olar üçin oba ho­ja­lyk ekin­le­ri­ni ös­dü­rip ýe­tiş­dir­mek bo­ýun­ça ýö­ri­te ýer gaz­na­la­ry yzy­gi­der­li dö­re­dil­ýär. Oba ho­ja­lyk önüm­le­ri­ni ön­dü­ri­ji­le­re dün­ýä­de meş­hur kom­pa­ni­ýa­la­ryň ýo­ka­ry ön­dü­ri­ji­lik­li teh­ni­ka­la­ry­ny we gu­ral­la­ry­ny, önüm­çi­lik kär­ha­na­la­ry üçin döw­re­bap en­jam­la­ry sa­tyn al­mak­la­ry, önüm­çi­li­ge öň­de­ba­ry­jy tej­ri­be­le­ri giň­den or­naş­dyr­mak­la­ry ba­bat­da äh­li şert­ler dö­re­dil­ýär. Oba ho­ja­ly­gyn­da iş alyp bar­ýan hu­su­sy önüm ön­dü­ri­ji­ler üçin amat­ly şert­le­ri dö­ret­mä­ge we ola­ry ma­li­ýe taý­dan gol­da­ma­ga hem uly äh­mi­ýet be­ril­ýär. Oba­se­na­gat top­lu­myn­da­ky öz­gert­me­ler hor­mat­ly Pre­zi­den­ti­mi­ziň ýur­du­my­zyň önüm ön­dü­ri­ji­le­ri­ni hem­me­ta­rap­la­ýyn gol­da­ma­ga gö­nük­di­ri­len çuň­ňur oý­la­ny­şyk­ly stra­te­gi­ýa­sy­nyň aý­ryl­maz bö­le­gi­dir. Ne­ti­je­de, daý­han­la­ry­myz tä­ze ýer­le­ri öz­leş­dir­me­giň, eke­ran­çy­ly­gyň me­de­ni­ýe­ti­ni ýo­kar­lan­dyr­ma­gyň ha­sa­by­na oba ho­ja­lyk önüm­le­ri­ni ös­dü­rip ýe­tiş­dir­mek ug­run­da yh­las­ly zäh­met çek­ýär­ler. Şeý­le­lik­de, azyk bol­çu­ly­gy üp­jün edil­ýär, hal­ky­my­zyň we her bir maş­ga­la­nyň aba­dan­çy­lyk de­re­je­si ýo­kar­lan­dy­ryl­ýar.
Bu ul­gam­da ama­la aşy­ryl­ýan giň möç­ber­li öz­gert­me­ler dür­li gör­nüş­li oba ho­ja­lyk önüm­le­ri­niň ön­dü­ri­li­şi­ni art­dyrma­gyň ha­sa­by­na da­şa­ry ýurt­lar­dan ge­ti­ril­ýän ha­ryt­la­ryň or­nu­ny tut­ýan önüm­le­ri ön­dür­mä­ge hem-de oba­se­na­gat top­lu­my­nyň eks­port kuw­wa­ty­ny art­dyr­ma­ga gö­nük­di­ri­len­dir. Bu bol­sa mil­li yk­dy­sa­dy­ýe­ti­mi­ziň mun­dan beý­läk-de kuw­wat­lan­ma­gyn­da, hal­ky­my­zyň dur­muş de­re­je­si­niň ýo­kar­lan­ma­gyn­da has-da mö­hüm­dir.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА