Küşt boýunça nobatdaky Dünýä çempionaty BAE-niň Dubaý şäherinde geçirilip, ýene-de norwegiýaly grossmeýster Magnus Karlsen ýeňiş gazandy. Ol finalda russiýaly Ýan Nepomniýaşini 11-nji duşuşygynda ýeňip, umumy hasaby 7,5:3,5-e ýetirdi. Şeýlelikde, 14 oýunlyk finalda 4-nji gezek ýeňiş gazanan Karlsen 3 duşuşyk galanda, aratapawudy 4-e çykaryp, karýerasyndaky 5-nji çempionlygyna mynasyp boldy. Iki küştçüniň arasyndaky 5 duşuşyk deňlikde tamamlanyp, 6-njy oýundan soň Karlsen ýeňiş gazanyp ugrady. 6-njy duşuşyk 8 sagatlap dowam edip, 136 göçümden soň Karlsen ýeňiş gazanypdy. 6-njy duşuşyk çempionatyň taryhynda iň uzak wagtlap dowam eden duşuşyk boldy.

Norwegiýaly Magnus Karlsen 2013-nji ýyldan bäri çempionlygy özünde saklap gelýär (2013, 2014, 2016, 2018, 2021).

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА