Gruziýada bugdaý ösdürip ýetişdirmek we hasyl ýygnamak däpleri ÝUNESKO-nyň maddy däl medeni mirasynyň sanawyna girizildi. Bu barada Gruziýanyň Daşky gurşawy goramak we Oba hojalyk ministrligi mälim etdi.
Bu karar 10-njy dekabrda Nýu-Delide geçirilen ÝUNESKO-nyň Maddy däl medeni mirasy goramak boýunça hökümetara komitetiniň 20-nji mejlisinde kabul edildi. 11-nji dekabrda Gruziýanyň wekiliýetine “Gruziýada bugdaý ösdürip ýetişdirmegiň däp-dessurlarynyň we urp-adatlarynyň” dünýäniň maddy däl medeni mirasynyň bir bölegidigini tassyklaýan güwänama gowşuryldy.
ÝUNESKO-nyň maglumatlaryna görä, bugdaý ösdürip ýetişdirmek we ýygnamak boýunça gruzin däp-dessurlary bu halkyň asyrlaryň dowamynda gorap saklap gelen doly ýörelgelerini öz içine alýar. Bu ýörelgeler topragy azal bilen taýýarlamagy, hasyly ýörite gural bilen ýygnamagy, däneleri ýörite niýetlenen döwek tagtasy bilen saýlamagy öz içine alýar.Guramanyň belleýşi ýaly, bularyň hemmesi gruzin durmuşynyň, jemgyýetçilik gatnaşyklarynyň we nesilleriň tejribesiniň möhüm bölegini emele getirýär. Bugdaý bilen baglanyşykly medeniýetiniň ýene-de bir aýrylmaz elementi öňden gelýän ýörite peçlerde çörek bişirmekdir.

Gyzykly bolup bilerЕЩЕ ОТ АВТОРА