Ýakynda ady rowaýata öwrülen kinoaktýor, režissiýor Raj Kapuryň 100 ýyllygyna bagyşlanyp Hindistan Respublikasynyň Türkmenistandaky ilçihanasynyň we Türkmenistanyň Medeniýet ministrliginiň guramagynda konsert geçirildi. Konsertde Türkmenistanyň döwlet simfoniki orkestri Türkmenistanyň at gazanan artisti Rasul Gylyjowyň dirižýorlyk etmeginde ýokary derejede çykyş edip, ähli saz söýüjilere şatlyk paýlady.
Geçirilen konsertde saz we kino söýüjilere uly mawy ekranda «Wir we Zara» (kompozitory Madan Mohan) «Bobbi» (kompozitory Maýkl Barret, režissýory Raj Kapur), «Disko tansçysy» (kompozitory Bappi Lahiri), «Zita we Gita» (kompozitory Rahul Dew Burman) kinolarynyň bölekleri görkezildi. Türkmenistanly ýaş aýdymçylar hindi dilindäki aýdymlary ussatlyk bilen ýerine ýetirdiler.
Çeşme: medeniyet.gov.tm

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА