Hin­di um­ma­nyn­da ýer­leş­ýän Mal­diw ada­la­ry ak çä­ge­li ke­nar­la­ry, ma­wy deň­zi, tro­pik ho­wa­sy, on­lar­ça ka­şaň dynç alyş ýer­le­ri, şeý­le hem de­ňiz de­re­je­sin­den be­ýik­de bol­ma­dyk te­kiz ada­la­ry bi­len ta­nal­ýar. 298 ine­dör­dül ki­lo­metr meý­da­ny tut­ýan Mal­diw ada­la­ry Gü­nor­ta Azi­ýa­nyň iň ki­çi ýur­dy ha­sap­lan­ýar. Ada­nyň esa­sy di­li ýer­li mal­di­w di­li bo­lup, sy­ýa­hat­çy­lar bi­len dü­şü­niş­mek üçin iň­lis di­li ula­nyl­ýar. Ýur­duň mer­ke­zi şä­he­ri Ma­le dün­ýä­niň iň ki­çi paý­tag­ty we gür ilat­ly şä­her­le­ri­niň bi­ri­dir. Ada döw­le­ti­niň pul bir­li­gi mal­diw ru­fi­ýa­sy bo­lup, ba­zar­lar­da, esa­san, ter we ka­ka­dy­lan tro­pik mi­we­ler, de­ňiz jan­dar­la­ry­nyň ga­by­gyn­dan ýa­sa­lan be­zeg şaý­la­ry we ba­ly­gyň dür­li gör­nüş­le­ri sa­tyl­ýar.
Mal­diw ada­la­ry ulu­ly-ki­çi­li 1200 ada­dan yba­rat bo­lup, şol ada­la­ryň di­ňe 200-sin­de ilat ýa­şa­ýar. Ila­ty 540 müň tö­we­re­gi bo­lan Mal­diw ada­la­ryn­da 1972-nji ýyl­da il­kin­ji dynç alyş mer­ke­zi açyl­ýar. Sy­ýa­hat­çy­lyk pu­da­gyn­da tä­ze sy­ýa­hat­çy­lyk me­ka­ny ha­sap­lan­ýan Mal­diw­le­re 50 ýyl bä­ri sy­ýa­hat­çy bar­ýar. Mal­diw ada­la­ry­na gämili ýa-da uçar­ly ba­ryp bol­ýar. Köp­çü­li­giň ün­sü­ni özü­ne çek­ýän ada döw­le­tin­de sy­ýa­hat­çy­lar üçin ni­ýet­le­nen ýö­ri­te myh­man­ha­na­lar bo­lup, de­ňiz­de ýüz­mek, gä­mi­li ýa-da uçar­ly ge­ze­lenç et­mek, sport bi­len meş­gul­lan­mak hem-de ke­nar­ýa­ka­lar­da gi­je­ki ge­ze­lenç­ler ýa­ly çä­re­ler hö­dür­len­ýär. Ada­da res­to­ran­la­ryň dür­li gör­nü­şi bo­lup, ýer­li Azi­ýa na­har­la­ry, Ýew­ro­pa ta­gam­la­ry, de­ňiz jan­dar­la­ryn­dan taý­ýar­la­nan iý­mit­ler, tro­pik mi­we­ler­den içim­lik­ler we iş­däa­çar­lar myhmanlara hödür edilýär. Bu­lar­dan baş­ga-da, Mal­diw ada­la­ry­na ba­ran sy­ýa­hat­çy­la­ra «Dört möw­süm» me­ýil­na­ma­sy hö­dür­len­ýär. Mal­diw ada­la­ry to­mus­da sy­ýa­hat edil­me­li iň aja­ýyp ýer­le­riň bi­ri­dir. Mal­diw ada­la­ry­na ýa­nyň bi­len öý jan­dar­la­ry­ny elt­mek ga­da­gan edil­ýär.
Mal­diw ada­la­ry ak çä­ge­li ke­nar­la­ry bi­len meş­hur­dyr. Bu ýer­dä­ki ak çä­ge­ler de­ňiz jan­dar­la­ry­nyň ga­lyn­dy­la­ryn­dan eme­le ge­lip­dir. Şol se­bäp­li ak çä­ge­de aşa ys­sy ho­wa­da hem aýak­ýa­la­ňaç ge­zip bol­ýar. Mal­diw­ler de­ňiz de­re­je­si bo­ýun­ça dün­ýä­niň iň pes­de ýer­leş­ýän döw­le­ti ha­sap­lan­ýar. Ada­la­ryň iň be­ýi­gi suw­dan 2,5 metr ýo­kar­da ýer­leş­ýär. Ýy­lyň do­wa­myn­da ho­wa­nyň ýy­ly­ly­ 28-32 de­re­je ara­ly­gyn­da, ke­na­r­da­ky de­ňiz su­wy 24 de­re­je­de sak­lan­ýar. Ýur­duň ke­nar­la­ry su­was­ty jan­dar­la­ra baý­ bo­lup, ada­la­ryň golaýynda de­ňiz jan­dar­la­ry­nyň tas äh­li­si di­ýen ýa­ly ýa­şa­ýar. De­ňiz­de ba­lygyň 700-den gow­rak gör­nüş­i, leň­ňeç we suw guş­la­ry­nyň bir­nä­çe­si duş gelýär. Şeý­le hem ada­da ga­na­ty­ny aça­nyn­da 1,5 met­re ýet­ýän mi­we ýar­ga­na­ty ýa­şa­ýar.
Ýer­li hal­kyň ag­la­ba­sy ir­ki dö­wür­ler­den bä­ri ba­lyk­çy­lyk bi­len meş­gul­lan­ýar. Ada­la­ryň ara­syn­da­ky gat­naw­lar suwa gon­ýan ki­çi uçar­lar we ga­ýyk­lar ar­ka­ly ama­la aşy­ryl­ýar. Ýur­duň Hal­ka­ra ho­wa men­zi­li paý­tagt bi­len ady­bir ada­nyň go­la­ýyn­da­ky Hul­hu­le ada­syn­da ýer­leş­ýär. Bu ýer­de ýer­li gat­naw­lara niýetlenen suw uçar­la­ry üçin ter­mi­nal bar. Kä­bir ada­da hiç hi­li aw­tou­lag bol­man, we­lo­si­ped sü­rül­ýär. Şeý­le hem ilat ýa­şa­ma­ýan, di­ňe myhman­ha­na top­lu­my gur­lan ada­lar hem bar. Ýurt­da sport gör­nüş­le­ri­nden fut­bo­la we bad­min­to­na uly üns be­ril­ýär.

Gyzykly bolup bilerЕЩЕ ОТ АВТОРА