Kolumbiýada güýji 7,4 bala ýeten weýrançylykly ýertitremäniň netijesinde, azyndan 111 adam heläk boldy, 87-si hem dürli derejelerde ýaralandy. Ýurduň Prezidenti Abelardo de la Esprielýanyň tassyklamagyna görä, Kali şäherinde köp sanly bina ýykylyp, olaryň astynda adamlaryň galan bolmagy mümkin. ABŞ-nyň Geologiýa gullugynyň beren maglumatyna görä, tebigy betbagtçylygyň epitsentri Bogotadan 400 kilometr günbatarda, San-Hose-del-Palmar etrabynda ýerleşip, onuň ojagy ep-esli çuňlukda ýerleşýär.

Paýtagt Bogotada, şeýle hem Kali, Popaýjan, Manisales, Armeniýa we Pereýra şäherlerinde güýçli ýer titreme duýlup, ýerli ýaşaýjylar howsala düşdüler. Mundan başga-da, ýagdaý bilen baglylykda Kolumbiýanyň Raýat awiasiýa gullugy birnäçe sebit aeroportlarynyň wagtlaýynça ýapylandygyny mälim etdi. Häkimiýetler we degişli gulluklar heläkçilik çeken sebitlerde halas ediş hem-de zyýany kesgitlemek işlerini dowam etdirýärler.

Gyzykly bolup bilerЕЩЕ ОТ АВТОРА