Angliýanyň “Kristal Palas” topary taryhynyň iň gymmat transferini amala aşyrdy. Londonlylar “Wulwerhempton” toparyndan norwegiýaly hüjümçi Ýorgen Strann-Larseni 49,7 million ýewro transfer etdi. 25 ýaşyndaky (6-njy fewralda 26 ýaşyna gadam basar) oýunçy klubuň taryhyndaky iň gymmat transfer hökmünde hasaba alyndy. Täze kluby bilen 4,5 ýyllyk ylalaşyga gol çekişen Strann-Larsen 22-nji belgili köýnekçäni geýer. Ol möwsümiň 1-nji ýarymynda “Wulwerhemptonyň” düzüminde 26 oýunda 6 gol geçirdi. Strann-Larsen şu wagta çenli “Sarpsborg 08”, “Groningen”, “Selta” klublarynda oýnady.

Gyzykly bolup bilerЕЩЕ ОТ АВТОРА