Angliýanyň çempionaty “Premier Ligada” 5-nji tapgyryň duşuşyklary geçirildi. Tapgyryň merkezi oýnunda “Mançester Siti” bilen “Arsenal” duşuşyp, oýunda ýeňiş gazanan bolmady. Holannyň 9-njy minutdaky goluna londonlylar 90+3-nji minutda Martinelliniň owadan goly bilen jogap berdi. Mançester şäheri bilen Londonyň beýleki 2 güýçli toparlarynyň arasyndaky oýunda “Mançester Ýunaýted” öz meýdançasynda “Çelsini” 2-1 hasabynda ýeňlişe sezewar etdi. Bruno Fernandeş (14) bilen Kazemironyň (37) gollary esasynda ýeňiş gazanan “Ýunaýted” möwsümdäki 2-nji ýeňşini gazandy. “Çelsiniň” ýeke-täk goluny 80-nji minutda Çaloba öz adyna ýazdyrdy. Duşuşygyň 5-nji minutynda “Çelsiniň” derwezeçisi Robert Sançes, şol sanda 45+5-nji minutda “Ýunaýtedden” Kazemiro 2-nji sary kartdan soň gyzyl kart aldy.

Sanawyň ýeňlişsiz lideri “Liwerpul” öz meýdançasynda Mersisaýd derbisinde “Ewertony” Grawenberh hem-de Ekitikeniň gollary bilen 2-1 hasabynda ýeňdi. “Tottenham” myhmançylykda “Braýtonda” 2-2 hasabynda deňme-deň oýnady.

Çempionatda “Liwerpul” bilen “Kristal Palasyň” ýeňlişsiz ýörişi dowam edýär.

5-nji tapgyryň netijeleri:

Liwerpul – Ewerton: 2-1

Börnli – Nottingam Forest: 1-1

Braýton – Tottenham: 2-2

West Ham – Kristal Palas: 1-2

Wulwerhempton – Lids: 1-3

Mançester Ýunaýted – Çelsi: 2-1

Fulham – Brentford: 3-1

Bornmut – Nýukasl: 0-0

Sanderland – Aston Willa: 1-1

Arsenal – Mançester Siti: 1-1

Gyzykly bolup bilerЕЩЕ ОТ АВТОРА