PDF
Şu gün “Awaza” milli syýahatçylyk zolagyndaky «Awaza» Kongresler merkezinde Merkezi Aziýa döwletleriniň Baştutanlarynyň nobatdaky Konsultatiw duşuşygy geçirildi.
Kongresler merkeziniň foýesinde Türkmenistanyň Prezidenti Merkezi Aziýanyň döwletleriniň Prezidentlerini garşylaýar. Döwlet Baştutanlary özara salamlaşýarlar we surata düşýärler.
Saparynyň barşynda Türkmenistanyň Prezidenti Gurbanguly Berdimuhamedow bilen Gyrgyz Respublikasynyň Prezidenti Sadyr Žaparow, Gazagystanyň Prezidenti Kasym-Jomart Tokaýew we Özbegistanyň Prezidenti Şawkat Mirziýoýew ikitaraplaýyn gepleşikler geçirdiler.
Soňra döwletleriniň Baştutanlarynyň bilelikdäki surata düşmek dabarasy boldy.
Merkezi Aziýa döwletleriniň Baştutanlarynyň duşuşygy Awaza» Kongresler merkeziniň «Mejlisler otagynda geçildi.
Duşuşyklaryň barşynda Merkezi Aziýa ýurtlarynyň iň ileri tutýan ugurlary, şol sanda syýasy, ykdysady, söwda, maýa goýum, ulag-logistika, howpsuzlyk, ekologiýa, medeni-ynsanperwer ulgamlardaky özara gatnaşyklary ösdürmegiň meseleleri ara alnyp maslahatlaşylýar. Suwdan rejeli peýdalanmak, serhetüsti suwlary dolandyrmak, Aral heläkçiliginiň öňüni almak, Owganystandaky ýagdaýlary parahatçylykly ýollar arkaly kadalaşdyrmak ýaly ugurlarda tagallalary birleşdirmäge aýratyn üns berilýär. Merkezi Aziýa ýurtlaryny hemmetaraplaýyn ösdürmäge, sebitiň halklarynyň ýaşaýyş-durmuş şertlerini ýokarlandyrmaga we, elbetde, halkara dostlugy, hyzmatdaşlygy pugtalandyrmaga, milliligi saklamaga, umumy medeniýeti ösdürmäge degişli meseleler hem ara alnyp maslahatlasyldy.
Konsultatiw duşuşygyň ahyrynda Jemleýji resminama kabul edildi.
Soňra Merkezi Aziýa döwletleriniň Baştutanlarynyň Hormatly nyşany bilen sylaglamak dabarasy boldy.
Merkezi Aziýa döwletleriniň Daşary syýasat edaralarynyň ýolbaşçylarynyň metbugat wekillerine ýüzlenme bilen çykyş etdiler.
Merkezi Aziýa Ýewraziýanyň merkezinde, geosyýasy we geoykdysady taýdan amatly 3 million 882 inedördül kilometr çäkde ýerleşip, umumylykda 75 milliondan gowrak ilaty özüne birleşdirýär. Bu sebit ösen medeniýetleriň ojagy, Beýik Ýüpek ýolunyň möhüm şahalarynyň çatrygy we hoşniýetli goňşuçylygyň nusgasy hasaplanýar. Merkezi Aziýa we Hazar basseýni sebitlerine Ýewraziýada strategik durnuklylygyň mäkäm halkasy, Ýewropa hem Aziýa ýurtlary üçin geljegi uly bolan ykdysady hyzmatdaş, yklymyň iri energetika, ulag merkezi hökmünde garalýar. Şonuň üçin hem daşarky ykdysady we syýasy merkezler tarapyndan Merkezi Aziýa bolan gyzyklanma ýylsaýyn artýar.
