Ispaniýanyň çempionaty “La Liganyň” 13-nji tapgyrynda “Barselona” öz meýdançasynda “Lewanteni” 1-0 hasabynda ýeňdi. Katalonlara ýeňiş getiren ýeke-täk goly 76-njy minutda Lionel Messi derwezä girizdi. Bu gol Messiniň “Barselonadaky” 642-nji goly bolup, ol Peläniň bir toparyň köýnekçesi bilen iň köp gol geçiren oýunçy rekordyna golaýlady. Messi ýene-de 2 gol geçiren ýagdaýynda Peläniň “Santosyň” köýnekçesi bilen geçiren 643 golluk rekordyny täzelär. Şeýle-de Messi “Barselonada” 10-njy belgili köýnekçe bilen 600-nji pökgüsini derwezä girizdi. Bu ýeňişden soň, 2 oýny kem “Barselona” utugyny 17-ä ýetirip, 8-nji orna beýgeldi.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА