Düýn agşamky UEFA Çempionlar Ligasy duşuşyklarynda “A” toparçada PSŽ öz meýdançasynda Leipsigi ýyldyz oýunçylary Mbappe we Messiniň (2) gollary bilen 3-2 hasabynda ýeňdi. Toparyna ýeňiş getiren Lionel Messiniň Çempionlar Ligasynda gol geçiren klublarynyň sany 37-ä ýetdi. Şeýlelikde, super ýyldyz bu ugurda başga bir super ýyldyz Kristiano Ronaldo bilen deňleşdi.

Messi geçiren 123 goluny Aýaks, APOEL, Arsenal, Bazel, BATE, Bawariýa, Baýer, Borussiýa D, Borussiýa M, Seltik, Çelsi, Dinamo Kiýew, Ferenswaroş, Ýuwentus, Kopengagen, Leipsig, Liwerpul, Lion, Mançester Siti, Mançester Ýunaýted, Milan, Napoli, Olimpiakos, Panatinaikos, PSW, PSŽ, Reýnjers, Real Madrid, Roma, Slawiýa Praga, Şahtýor Donesk, Ştutgart, Spartak Moskwa, Sporting, Tottenham Wiktoriýa Plzen hem-de Werder klublarynyň derwezesinden geçirdi. Messi Rubin, Atletiko, Inter, Udineze, Benfika ýaly duşuşan klublarynyň derwezesinden entek gol geçirip bilmedi. Messi iň köp goly Arsenalyň (9 gol), şol sanda Milandyr Seltigiň (8 gol) derwezelerinden geçirdi.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА