Soňky ýyllarda Çempionlar Ligasynyň “El Klasikosyna” öwrülen “Real Madrid” – “Mançester Siti” duşuşyklarynyň şu möwsümdäki 1-nji oýny Ispaniýada geçirildi. Iki topar bassyr 5, soňky 7 möwsümde-de 6-njy gezek gabatlaşdy. Hatda iki topar liga tapgyrynda-da duşuşypdy we Madriddäki şol oýunda iňlisler ýeňiş gazanypdy.

Ýöne utulan-çykdy oýunlaryny başgaça oýnaýan Çempionlar Ligasynyň iň tejribeli topary “Real Madrid” bu gezek ýalňyşlyga ýol bermedi. 3-0 hasabynda ýeňiş gazanan “Realyň” gollarynyň 3-sini hem 22 minutyň dowamynda urugwaýly ýarymgoragçy Federiko Walwerde derwezä girizdi. Ol 20-nji, 27-nji hem-de 42-nji minutlarda tapawutlanyp, Çempionlar Ligasyndaky 75-nji duşuşygynda gollarynyň sanyny 6-a ýetirdi. Walwerde argentinaly Lionel Messiden soň Çempionlar Ligasynda 1-nji ýarymda iňlis klublarynyň derwezesinden 3 gol geçiren 2-nji futbolçy boldy.

Duşuşygyň 58-nji minutynda “Real Madrid” ýene biri goly geçirmäge mümkinçilik aldy. Janluiji Donnarummanyň gödek hereketinden soň italiýaly emin ispan klubunyň peýdasyna 11 metrlik jerime urgusyny belledi. Ýöne Winisius Junioryň urgusyny saklamagy başaran Donnarumma ýalňyşynyň öwezini dolmagy başardy. Şunlukda, “Real Madrid” 15-nji duşuşygynda “Mançester Sitini” 6-njy gezek ýeňip, hem çärýek finala çykmakda, hemem ikiçäk statistikada garşydaşyndan öňe saýlandy.

Gyzykly bolup bilerЕЩЕ ОТ АВТОРА