Mol­do­wa­nyň par­la­men­ti Na­tal­ýa Gaw­ri­li­sa ga­ra­şyl­ma­dyk ýag­daý­da işin­den çe­ki­len­den soň Pre­zi­dent Maý­ýa San­du ta­ra­pyn­dan bu we­zi­pä hö­dür­le­nen Do­rin Re­ça­nyň hö­kü­me­ti­niň mak­sat­na­ma­sy­ny we dü­zü­mi­ni tas­syk­la­dy.
-Par­la­ment Prem­ýer-mi­nist­riň da­laş­gär­li­gi­ni we tä­ze hö­kü­me­tiň mak­sat­na­ma­sy­ny tas­syk­la­dy. Oňa 62 de­pu­tat ses ber­di – di­ýip, ka­nun çy­ka­ry­jy eda­ra­nyň baş­ly­gy Igor Gro­su mä­lim et­di. Mi­nistr­ler Ka­bi­ne­ti­niň ag­za­la­ry Ýew­ro­pa ta­rap­dar he­re­ket we raý­daş­lyk par­ti­ýa­sy ta­ra­pyn­dan gol­da­nyl­dy. Kom­mu­nist­ler we so­sia­list­ler to­pa­ry­nyň we “Şor” par­ti­ýa­sy­nyň ýol­baş­çy­la­ry ses ber­mek­den sak­lan­dy­lar.
-Hö­kü­met mak­sat­na­ma­sy, Pre­zi­dent Maý­ýa San­du­nyň we He­re­ket we raý­daş­lyk par­ti­ýa­sy­nyň ýur­duň ösü­şi ba­ra­da­ky ga­ra­ýyş­la­ry­na esas­lan­ýar – di­ýip, Do­rin Re­çan par­la­men­tiň de­pu­tat­la­ry­nyň öňün­de eden çy­ky­şyn­da aýt­dy. Şeý­le hem, Re­çan döw­let eda­ra­la­ry­nyň işi­niň ne­ti­je­li­li­gi­ni ýo­kar­lan­dyr­ma­gyň, “ter­tip-düz­gü­ni” ýo­la goý­ma­gyň, işe­wür­le­riň ma­li­ýe çeş­me­le­ri­ne el­ýe­ter­li­li­gi­ni ýö­ne­keý­leş­dir­me­giň we kor­rup­si­ýa gar­şy has ne­ti­je­li gö­reş­me­giň ze­rur­dy­gy­ny bel­le­di.
Ýew­ro­pa Bi­le­le­şi­gi­ne in­teg­ra­si­ýa we yk­dy­sa­dy ösüş tä­ze Prem­ýer-mi­nist­riň esa­sy ile­ri tut­ýan ugur­la­ry hök­mün­de hem bel­len­di. Do­rin Re­çan öz ýur­du­nyň da­şa­ry sy­ýa­sat­da 2022-nji ýyl­da Ýew­ro­pa Bi­le­le­şi­gi­ne ag­za bol­mak üçin da­laş­gär de­re­je­si­ni alan­dan soň, Brýus­se­liň ta­lap­la­ry­ny ýe­ri­ne ýe­tir­mä­ge ün­si jem­le­di.
Umu­man, Do­rin Re­çan ozal­ky ka­bi­ne­tiň ag­za­la­ry­nyň üç­den iki bö­le­gi sak­la­dy. Gaw­ri­li­sa 10-njy few­ral­da pre­zi­dent ad­mi­nist­ra­si­ýa­syn­da ge­çi­ri­len mas­la­hat­dan soň işin­den çe­kil­ýän­di­gi­ni mä­lim et­di. Soň­ra Mol­do­wa­nyň Pre­zi­den­ti Maý­ýa San­du howp­suz­lyk me­se­le­le­ri bo­ýun­ça ge­ňeş­çi­si Re­ça­ny bu we­zi­pä hö­dür­le­di.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА