Iýun aýynyň 17-20-si aralygynda Maryda Murgap derýasynyň jülgesindäki howa baha bermek we howanyň üýtgemegine uýgunlaşmak boýunça okuw geçirildi. Bu üç günlük okuw Germaniýanyň Halkara hyzmatdaşlyk jemgyýetiniň sebit maksatnamasynyň çäginde geçdi.
Oňa döwlet we hususy pudaklaryň, Türkmenistanyň Gidrometeorologiýa gullugynyň, Türkmenistanyň Gyzyl Ýarymaý Milli jemgyýetiniň, Türkmenistanyň Tebigaty goramak jemgyýetiniň, “Marysuwhojalyk” önümçilik birleşiginiň we Türkmenistanyň Döwlet energetika institutynyň wekilleri gatnaşdy.
Okuwyň barşynda dürli ekologiýa meseleleri çözmek we ýagdaýlardan baş alyp çykmak boýunça tejribedir bilim alşyldy. Okuwa gatnaşanlar howanyň üýtgemegine uýgunlaşmaga çemeleşmeler babatynda umumy düşünje döretdiler. Okuwyň dowamynda hyzmatdaşlygyň ösmegine we ähli gyzyklanýan taraplaryň Murgap derýasynyň jülgesindäki howa baha bermek we howanyň üýtgemegine uýgunlaşmak işine çekmäge möhüm orun berildi. Uýgunlaşdyryş çäreleriniň sanawy hem işlenip düzüldi.

Gyzykly bolup bilerЕЩЕ ОТ АВТОРА