UEFA Çempionlar Ligasynda 4-nji duşuşyklaryň ilkinji gününde ozal finalda duşuşan toparlaryň özara oýny esasy üns merkezde boldy. Ilkinji günüň 9 duşuşygynda 20 gol geçirilip, 1 oýunda hasap açylmady.

 

Angliýada “Liwerpul” topary “Real Madridi” kabul etdi. Çekeleşikli geçen oýunda iňlisler 1-0 hasabynda ýeňiş gazandy. “Real Madridiň” derwezeçisi Tibo Kurtuanyň 8 howply pursatda derwezesini goldan halas eden duşuşygyndaky ýeke-täk goly 61-nji minutda Aleksis Mak Allister öz adyna ýazdyrdy.

Madridiň başga bir topary “Atletiko” öz meýdançasynda Belgiýanyň çempiony “Ýunion Sent-Žilluaz” toparyny 3-1 hasabynda ýeňlişe sezewar etdi. Ispan toparynyň gollaryny Alwares (39), Gallaher (72) hem-de Llorente (90+6) derwezä girizdi.

Ýaryşyň debýutantlaryndan “Bude-Glimt” öz meýdançasynda “Monako” bilen duşuşyp, 1-0 hasabynda asgyn geldi. Fransuz klubunyň ýeke-täk goluny 43-nji minutda Florin Balogun geçirdi. Oýnuň 82-nji minutynda ýer eýelerinden Gundersen gyzyl kart aldy.

Gyzykly bolup bilerЕЩЕ ОТ АВТОРА