Bü­tin dün­ýä­de tä­ze ýyl uly şat­lyk-şow­hun bi­len gar­şy alyn­dy. Adat­ça, Tä­ze ýy­ly dün­ýä­niň köp bö­le­gi 31-nji de­kabr­da gar­şy al­ýar. Em­ma dün­ýä­niň kä­bir ýer­le­rin­de ta­pa­wut­ly se­ne­na­ma ula­nyl­ýan­dy­gy se­bäp­li bu baý­ram­çy­lyk 7-10 gün­den soň bel­le­nil­ýär. Hal­ka­ra gat­na­şyk­la­ryň we söw­da­nyň art­ma­gy bi­len ge­çen asy­ryň baş­la­ryn­da bü­tin dün­ýä­de ýu­li­an se­ne­na­ma­syn­dan gri­gor­ýan se­ne­na­ma­sy­na ge­çil­di. Bu ýag­daý äh­li ýurt­lar­da bir­meň­zeş ha­sa­by ýö­ret­mä­ge müm­kin­çi­lik ber­ýär. Ne­ti­je­de, hä­zir­ki wagt­da bü­tin dün­ýä­de bu se­ne­na­ma ula­nyl­ýar. Şeý­le-de bol­sa, dün­ýä­niň kä­bir ýer­le­rin­de gadymy däbe görä, ozal­ky se­ne­na­ma­ny ulan­ýan­lar hem bar. Şo­la­ryň bi­ri hem Be­ýik Bri­ta­ni­ýa de­giş­li bo­lan Fu­la ada­sy ha­sap­lan­ýar.
Şot­lan­di­ýa­nyň Şet­land ar­hi­pe­la­gy­nyň dü­zü­min­dä­ki bu ada Be­ýik Bri­ta­ni­ýa­nyň iň uzak­da­ky ilat­ly no­ka­dy ha­sap­lan­ýar. Şot­lan­di­ýa­nyň gu­ry ýer bö­le­gin­den 200 ki­lo­metr­den hem daş­da ýer­leş­ýän bu ada­nyň ýa­şaý­jy­la­ry tä­ze ýy­la ýan­wa­ryň 12-sin­den 13-ine ge­çil­ýän gije ga­dam bas­ýar­lar. Se­bä­bi ada­nyň ýa­şaý­jy­la­ry bu baý­ram­çy­ly­gy ýu­li­an se­ne­na­ma­sy­na gö­rä bel­le­ýär­ler. Be­ýik Bri­ta­ni­ýa­da ýu­li­an se­ne­na­ma­syn­dan gri­gor­ýan se­ne­na­ma­sy­na has ir – 1752-nji ýyl­da ge­çil­ýär. Şeý­le-de bol­sa, ada­nyň ýa­şaý­jy­la­ry ozal­ky se­ne­na­ma­ny ulan­ma­gy­ny do­wam et­di­rip­dir­ler.
Şet­land ar­hi­pe­la­gy­na de­giş­li bo­lan Fu­la ada­sy­nyň ýa­şaý­jy­la­ry Tä­ze ýy­ly ris­tit (duz­a ýatyrylan go­ýun eti) we tat­tie çor­ba­sy ýa­ly mil­li ta­gam­la­ry bi­len gar­şy al­ýar­lar. Ada­nyň ba­ry-ýo­gy 35 ýa­şaý­jy­sy bo­lup, baý­ram­çy­ly­gy köp­çü­lik bo­lup bel­le­ýär­ler. Tut­ýan meý­da­ny 13 ine­dör­dül ki­lo­met­re ba­ra­bar bo­lan ada­da dü­kan, ka­fe, Wi-Fi we hemişelik elekt­rik to­gy ýok. Be­ýik Bri­ta­ni­ýa­nyň çet ada­sy­na myh­man­lar hä­li-şin­di ga­ýyk­ly ýa-da uçar­ly ba­ryp gaýd­ýar­lar. Bu ýerde de­ňiz te­bi­ga­ty­ny syn­lap, asu­da dynç alyp bol­ýar. Uzyn guýrukly ýer­li go­ýun­la­ry we poni atlary bi­len meş­hur bo­lan ada­da de­ňiz jan­dar­la­ry­nyň hem ýüz­ler­çe­si­ duş gel­ýär. Bu ýer­dä­ki de­ňiz ga­ýa­sy ada­nyň ny­şa­ny ha­sap­lan­ýar. Sy­ýa­hat­çy­la­ryň ag­la­ba bö­le­gi Fu­la ada­sy­na mart aýyn­da ge­ze­lenç ed­ýär­ler.
Ýer ýü­zün­dä­ki sa­gat gu­şak­ly­gy­nyň ta­pa­wu­dy se­bäp­li, Tä­ze ýy­ly il­kin­ji bo­lup Hal­ka­ra se­ne çy­zy­gy­nyň gün­ba­ta­ryn­da­ky ül­ke­ler gar­şy al­ýar. Ola­ryň ara­syn­da Ýu­waş um­ma­nyn­da­ky Ki­ri­ba­ti Res­pub­li­ka­sy­na de­giş­li Ki­ri­ti­ma­ti ada­sy (Rož­dest­wo ada­sy) bar. Soň­ra bol­sa, Ga­raş­syz Sa­moa döw­le­ti­ne we Ton­ga Pa­ty­şa­ly­gyna de­giş­li ada­lar Tä­ze ýy­ly gar­şy­la­ýar­lar. Tä­ze ýy­ly iň soň­ky bo­lup, ýo­kar­da bel­le­nen ada­la­ryň go­la­ýyn­da­ky Ame­ri­kan Sa­moa­sy we Ýu­waş um­ma­nyn­da­ky beý­le­ki ada­la­ryň ýa­şaý­jy­la­ry bel­le­ýär­ler.

Gyzykly bolup bilerЕЩЕ ОТ АВТОРА