ABŞ-nyň belli neşirleriniň biri bolan “Time” dünýäniň dürli ýerlerinden täsirli kompaniýalaryň sanawyny mälim etdi. Bu kompaniýalar tehnologiýa, saglygy goraýyş, güýmenje we beýleki ugurlarda iş alyp barýarlar. Sanawda ýüz sany at bolup, olaryň arasynda “Apple”, “Microsoft”, “Alphabet”, “Meta”, “Netflix”, “Disney”, IBM, “Walmart” we “Nvidia” ýaly belli tehnologiýa brendleri hem bar. Şeýle hem aýdym-saz senagatynda täze özgerişleri durmuşa geçiren “Spotify”, soňky ýyllarda dünýäde ýaşaýyş jaý meselesini çözmäge goşant goşan “Airbnb”, çeýe iş şertlerinde işlemek isleýänlere ýardam edýän “Upwork” we metamaglumat bazasynda hyýaly galereýany döreden auksion öýi “Sotheby’s” bar. Neşir şeýle sanaw taýýarlanda olary belli bir tertip bilen bermeýär. Emma saýlanan kompaniýalaryň hersine bir jümle bilen düşündiriş berlipdir. Mysal üçin, “Upwork”-yň aşagyna “Çeýeligi tapýar” diýlipdir. Ösümlikden et tagamly iýmit öndürmek bilen meşgullanýan “Impossible foods”-yň aşagynda “Etsiz gelejek” ýazylypdyr.

Arslan Japarow,

S.A.Nyýazow adyndaky Türkmen oba hojalyk uniwersitetiniň talyby.  

Gyzykly bolup bilerЕЩЕ ОТ АВТОРА