Her ýy­lyň ap­rel aýy­nyň soň­ky ýek­şen­be­sin­de ýur­du­myz­da Türk­men be­de­wi­niň mil­li baý­ra­my uly da­ba­ra­la­ra bes­le­nip bel­le­nip ge­çil­ýär hem-de bu öz­bo­luş­ly to­hu­myň naý­ba­şy we­kil­le­ri­niň ara­syn­da «Ýy­lyň iň owa­dan ahal­te­ke be­de­wi» at­ly hal­ka­ra gö­zel­lik bäs­le­şi­gi ge­çi­ril­ýär. Baý­ram­çy­lyk­la­ryň aý­ryl­maz bö­le­gi bo­lan at ça­py­şyk­la­ry­ny ge­çir­mek üçin paý­tag­ty­myz­da, we­la­ýat­lar­da döw­re­bap at­çy­lyk top­lum­la­ry gu­rul­dy, ugur­daş inf­rast­ruk­tu­ra dö­re­dil­di. 2010-njy ýyl­da Hal­ka­ra ahal­te­ke at­çy­lyk as­so­sia­si­ýa­sy­nyň dö­re­dil­me­gi hal­ka­ra hyz­mat­daş­lar bi­len ne­ti­je­li gat­na­şyk­la­ra tä­ze iter­gi ber­di. Spor­tuň Olim­pi­ýa gör­nü­şi bo­lan kon­ku­ry ös­dür­mä­ge tä­ze iter­gi be­ril­di. Bu sport gör­nü­şi­niň 2017-nji ýyl­da Aş­ga­bat­da üs­tün­lik­li ge­çi­ri­len Ýa­pyk bi­na­lar­da we sö­weş sun­ga­ty bo­ýun­ça V Azi­ýa oýun­la­ry­nyň mak­sat­na­ma­sy­na gi­ri­zi­len­di­gi­ni bel­le­mek ge­rek.
Owa­dan­ly­gy, syr­dam­ly­gy bo­ýun­ça de­ňi-ta­ýy bol­ma­dyk ahal­te­ke be­dew­le­ri mil­li hem-de dün­ýä me­de­ni­ýe­ti­niň naý­ba­şy gym­mat­lyk­la­ry­nyň bi­ri hök­mün­de yk­rar edil­di. Ta­ry­hy mag­lu­mat­la­ra gö­rä, 5 müň ýyl­lyk ta­ry­hy bo­lan meş­hur be­dew­le­ri­mi­ziň ne­sil ug­ry öz göz­ba­şy­ny ga­dy­my­ýet­den alyp gaýd­ýar. Ir dö­wür­den bä­ri se­ýis­le­ri­miz ta­ra­pyn­dan ös­dü­ri­lip ýe­tiş­di­ri­len we kä­mil­lik de­re­je­si­ne ýe­ti­ri­len ahal­te­ke be­dew­le­ri dün­ýä­de beý­le­ki meş­hur at to­hum­la­ry­nyň bir­nä­çe­si­niň ke­ma­la gel­me­gi­ne uly tä­si­ri­ni ýe­tir­di. Ta­ry­hyň do­wa­myn­da türk­men hal­ky­nyň we­pa­ly ýol­da­şy, dos­ty bo­lan be­hiş­di be­dew­ler hä­zir­ki wagt­da Ga­raş­syz, ba­ky Bi­ta­rap Wa­ta­ny­my­zyň ok­gun­ly ösü­şi­niň, Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rü­niň dö­re­di­ji­lik ru­hu­nyň ny­şa­ny­na öw­rül­di. Ga­dy­my dö­wür­ler­den bä­ri dün­ýä­de be­hiş­di be­dew­le­re, ola­ryň kä­mil keş­bi­ne we öz­bo­luş­ly hä­si­ýet­le­ri­ne haý­ran ga­lyn­ýar. Şu ýyl­da me­ýil­leş­di­ri­len dür­li çä­re­ler ahal­te­ke at­la­ry­nyň dün­ýä­dä­ki şöh­ra­ty­ny has-da art­dyr­ma­ga, mil­li at­çy­lyk sun­ga­ty­ny hal­ka­ra de­re­je­de wa­gyz et­mä­ge gö­nük­di­ri­len­dir.
2026-njy ýy­lyň «Ga­raş­syz, ba­ky Bi­ta­rap Türk­me­nis­tan – be­dew bat­ly at-my­ra­dyň me­ka­ny» ýy­ly diý­lip yg­lan edil­me­gi hem-de Wa­ta­ny­my­zyň Ga­raş­syz­ly­gy­nyň 35 ýyl­ly­gy my­na­sy­bet­li ýy­lyň do­wa­myn­da me­ýil­leş­di­ril­ýän çä­re­le­riň mak­sat­na­ma­sy iş­le­nip dü­zül­di. Ýy­lyň şy­ga­ry bi­len bag­ly­lyk­da, ýur­du­myz­da we da­şa­ry ýurt­lar­da at­çy­lyk we at­ly sport ugur­la­ry bo­ýun­ça çä­re­le­ri ge­çir­mek me­ýil­leş­di­ril­ýär. Şeý­le­lik­de, 2026-njy ýyl üçin me­ýil­leş­di­ri­len äh­li çä­re­ler hem-de onuň dö­wür­le­riň we ne­sil­le­riň üz­nük­siz bag­la­ny­şy­gy­ny gör­kez­ýän ny­şa­ny Ga­raş­syz, ba­ky Bi­ta­rap Türk­me­nis­ta­nyň saý­lap alan dö­re­di­ji­lik ýo­lun­da tä­ze sep­git­le­re bo­lan ym­ty­ly­şy­ny aý­dyň gör­kez­ýär. Olar­da ýur­du­my­zyň döw­let­ler­dir halk­la­ryň ara­syn­da dost­lu­gy, öza­ra dü­şü­niş­me­gi, yna­my ber­kit­mä­ge, äh­lu­mu­my pa­ra­hat­çy­ly­gy pug­ta­lan­dyr­ma­ga go­şant goş­ýan me­de­ni we sport dip­lo­ma­ti­ýa­sy­ny iler­let­mek ar­ka­ly ne­ti­je­li hal­ka­ra hyz­mat­daş­ly­gy mun­dan beý­läk-de ös­dür­mä­ge yg­rar­ly­dy­gy öz be­ýa­ny­ny tap­ýar.

Aýna Welmyradowa,
Türkmenistanyň Gurluşyk we binagärlik ministrliginiň umumy bölüminiň baş hünärmeni, ilkinji zenanlar guramasynyň başlygy.

Gyzykly bolup bilerЕЩЕ ОТ АВТОРА