Azerbaýjan, Özbegistan we Türkmenistan durnukly söwda-logistika zynjyrlaryny ösdürmek maksady bilen bilelikdäki lomaý-paýlaýyş merkezleriniň ulgamyny döretmegi meýilleşdirýärler. Bu barada Özbegistan Respublikasynyň Maýa goýumlar we daşary söwda ministri Laziz Kudratow 22-nji awgustda Awazada geçirilen “Türkmenistan–Azerbaýjan–Özbegistan” üçtaraplaýyn duşuşygynyň çäklerinde “Özbegistan-24” («Oʻzbekiston 24») teleýaýlymyna beren interwýusynda mälim etdi.

Soňky ýyllarda Özbegistanyň Türkmenistan we Azerbaýjan bilen ykdysady gatnaşyklary işjeň ösdürilýär. Özbegistanyň iki ýurt bilen hem söwda dolanşygynyň iki esse artmagy we onuň takmynan 40 göterimini senagat önümleriniň düzmegi, ykdysady hyzmatdaşlygyň ýokary depginde ösýändigini görkezýär.

Gyzykly bolup bilerЕЩЕ ОТ АВТОРА