Türkmenistan – sagdynlygyň we bagtyýarlygyň mekany

Sag­lyk di­ňe her bir adam üçin däl, eý­sem, tu­tuş jem­gy­ýet üçin uly gym­mat­lyk­dyr, çün­ki ol be­den taý­dan sag­dyn­ly­gyň we güýç-kuw­wa­tyň, zäh­met hem-de dö­re­di­ji­lik iş­jeň­li­gi­niň, umu­man, aba­dan dur­mu­şyň göz­ba­şy­dyr. Ýur­du­myz­da sag­dyn dur­muş ýö­rel­ge­le­ri­ni ber­ka­rar et­mek, jem­gy­ýe­ti­miz­de be­den­ter­bi­ýe hem-de sport bi­len yzy­gi­der­li meş­gul­lan­ma­gy wa­gyz et­mek bo­ýun­ça giň ge­rim­li iş­ler al­nyp ba­ryl­ýar. Paý­tag­ty­myz­da we se­bit­ler­de iň tä­ze en­jam­lar hem-de öň­de­ba­ry­jy teh­no­lo­gi­ýa­lar bi­len üp­jün edi­len döw­re­bap sag­ly­gy go­ra­ýyş eda­ra­la­ry we şy­pa­ha­na ul­ga­my­nyň bi­na­la­ry, sport des­ga­la­ry, ýö­ri­te­leş­di­ri­len sport mek­dep­le­ri, ça­ga­lar sa­gal­dyş we dynç alyş mer­kez­le­ri gu­rul­dy, he­re­ket ed­ýän ugur­daş des­ga­lar döw­re­bap­laş­dy­ryl­dy.
Be­den­ter­bi­ýe we sport, şol san­da spor­tuň suw­da­ky gör­nüş­le­ri bi­len meş­gul­lan­mak üçin Ha­za­ryň eko­lo­gi­ýa taý­dan aras­sa türk­men ke­na­ryn­da ýer­leş­ýän «Awa­za» mil­li sy­ýa­hat­çy­lyk zo­la­gyn­da aja­ýyp müm­kin­çi­lik­ler dö­re­dil­di.
He­re­ket et­mek, ge­ze­lenç­le­ri ama­la aşyr­mak hem-de boş wag­ty­ňy peý­da­ly we iş­jeň ge­çir­mek üçin aja­ýyp se­riş­de bo­lan we­lo­si­ped ula­gyň eko­lo­gi­ýa taý­dan iň aras­sa gör­nü­şi ha­sap­la­nyl­ýar, ol sport ula­gy hök­mün­de-de uly meş­hur­ly­ga eýe­dir. Hä­zir­ki dö­wür­de ýur­du­myz­da köp­çü­lik­le­ýin we­lo­si­ped­li ýö­riş­le­ri, äh­li­halk bag ek­mek da­ba­ra­la­ry­ny ge­çir­mek asyl­ly dä­be öw­rül­di.
Şu­nuň bi­len bag­ly­lyk­da, her ýy­lyň 7-nji ap­re­lin­de asyl­ly dä­be gö­rä, ýur­du­myz­da Bü­tin­dün­ýä sag­lyk gü­ni bel­le­nil­ýär. Bü­tin­dün­ýä sag­lyk gü­ni dost­lu­gyň we pa­ra­hat­çy­ly­gyň, spor­tuň, yn­san­per­wer­li­giň be­lent ýö­rel­ge­le­ri­ni da­ba­ra­lan­dyr­ýan, jem­gy­ýe­ti­mi­ziň ag­zy­bir­li­gi­ni, je­bis­li­gi­ni ala­mat­lan­dyr­ýan se­ne hök­mün­de mil­li se­ne­na­ma­myz­da aý­ra­tyn orun tut­ýar. Şo­nuň üçin hem dün­ýä bi­le­le­şi­gi bi­len bi­le­lik­de eziz Di­ýa­ry­myz­da hem ýaz pas­ly­nyň ja­na şy­pa­ly gün­le­rin­de bu hal­ka­ra baý­ram ýo­ka­ry ru­hu­be­lent­lik­de giň­den bel­le­nil­ýär.
Hal­ka­ra pa­ra­hat­çy­lyk we yna­nyş­mak ýy­lyn­da hem jem­gy­ýet­de sag­dyn dur­muş ýö­rel­ge­le­ri­ni or­naş­dyr­mak, be­den­ter­bi­ýä­ni we spor­ty wa­gyz et­mek mak­sa­dy bi­len, we­lo­si­ped­li ýö­riş­ler, dür­li be­den­ter­bi­ýe-sport çä­re­le­ri ge­çi­ri­ler. Şu­nuň bi­len bir­lik­de, ýur­du­my­zyň we­la­ýat­la­ryn­da, Aş­ga­bat we Ar­ka­dag şä­her­le­rin­de 1 – 7-nji ap­rel ara­ly­gyn­da dür­li mas­la­hat­la­ry, wa­gyz-ne­si­hat, be­den­ter­bi­ýe-sport, me­de­ni çä­re­le­ri, umu­my­bi­lim ber­ýän or­ta mek­dep­le­riň okuw­çy­la­ry­nyň, ýo­ka­ry we or­ta hü­när okuw mek­dep­le­ri­niň ta­lyp­la­ry­nyň, eda­ra-kär­ha­na­la­ryň iş­gär­le­ri­niň, tür­gen­le­riň gat­naş­mak­la­ryn­da spor­tuň dür­li gör­nüş­le­ri bo­ýun­ça ýa­ryş­la­ry we da­ba­ra­ly sport çä­re­le­ri­ni ge­çir­mek göz öňün­de tu­tul­ýar.
Hor­mat­ly Pre­zi­den­ti­mi­ziň baş­tu­tan­ly­gyn­da ýur­du­myz­da «Sag­lyk» döw­let mak­sat­na­ma­sy üs­tün­lik­li ama­la aşy­ryl­ýar. Ýur­du­myz­da sport bi­len meş­gul­lan­mak üçin hem äh­li şert­ler dö­re­di­len. Bu bol­sa her bir ada­myň be­den taý­dan sag­dyn bol­ma­gy­na müm­kin­çi­lik ber­ýär.
Bu iş­le­riň äh­li­si sag­dyn­ly­gyň we bag­ty­ýar­ly­gyň me­ka­ny bo­lan Bi­ta­rap döw­le­ti­mi­ziň dün­ýä­dä­ki at-ab­ra­ýy­ny has-da ýo­kar­lan­dyr­ýar. Ga­raş­syz Wa­ta­ny­myz­da baş baý­ly­gy­myz bo­lan yn­san sag­ly­gy­na uly üns be­ril­ýän­di­gi­ni bü­tin dün­ýä äş­gär ed­ýär.
Bü­tin­dün­ýä Sag­ly­gy Go­ra­ýyş Gu­ra­ma­sy 194 ag­za döw­let­den yba­rat bo­lup, Bir­le­şen Mil­let­ler Gu­ra­ma­sy­nyň ýö­ri­te­leş­di­ri­len eda­ra­sy hök­mün­de esa­sy we­zi­pe­si dün­ýä ila­ty­nyň hal­ka­ra sag­lyk me­se­le­le­ri­ni çöz­mek­den yba­rat­dyr. Bü­tin­dün­ýä Sag­ly­gy Go­ra­ýyş Gu­ra­ma­sy 1948-nji ýyl­da esas­lan­dy­ryl­dy we onuň mer­ke­zi Şweý­sa­ri­ýa­nyň Že­ne­wa şä­he­rin­de ýer­leş­ýär. 1948-nji ýy­lyň 7-nji ap­re­lin­de Bü­tin­dün­ýä Sag­ly­gy Go­ra­ýyş Gu­ra­ma­sy­nyň Kons­ti­tu­si­ýa­sy tas­syk­la­nyl­dy we şol gün­den bä­ri 7-nji ap­rel­de Bü­tin­dün­ýä sag­lyk gü­ni bel­le­nil­ýär.

Tyl­la­gö­zel NU­RY­ÝE­WA,
Myrat Garryýew adyndaky Türkmenistanyň Döwlet lukmançylyk uniwersitetiniň mikrobiologiýa kafedrasynyň mugallymy.