PDF
Russiýanyň çempionaty “Premýer Ligada” çempionlyk ugrunda soňky ýyllaryň iň çekeleşikli göreşi dowam edýär. Çempionlygyň 2 dalaşgäriniň utulan bu tapgyrynda Moskwanyň “Dinamosy” ýatdan çykmajak ýeňiş gazandy. “Zenit öz meýdançasynda SSKA-dan Çalowyň 58-nji minutda penaltiden geçiren ýeke-täk goly esasynda asgyn geldi. “Spartak” hem öz meýdançasynda şol hasap bilen Zobniniň goly esasynda “Krasnodary” ýeňlişe sezewar etdi. Ligada galmak üçin göreşýän “Baltika” bilen çempionlyga ymtylýan “Dinamonyň” arasynda duşuşyk taryhy wakalara baý boldy. 3-nji minutda Týukawiniň goly bilen öňe geçen moskwalylar Enrikeniň 32-nji, Kaplenkonyň 68-nji minutdaky gollaryna alaç tapyp bilmedi. Ýöne ruhdan düşmedik “Dinamo” ýeňiş gazanmagyň hötdesinden geldi. Ilki 90+3-nji minutda Fernandes hasaby deňles, 90+9-njy minutda Ngamalýo paýtagtlylara ýeňiş getiren oýunçy boldy. 3-2 hasabynda gazanylan bu ýeňişden soň “Dinamo” 53 utuk bilen 2-nji ýerdäki “Zenitden 2, 3-nji orundaky “Krasnodardan” öňe saýlandy. Ýene-de galan 2 tapgyrda “Dinamo” ilki “Krylýany” kabul etse, soňra “Krasnodaryň” myhmany bolar. “Krasnodar” indiki tapgyrda myhmançylykda “Soçi” bilen duşuşar. “Zenit” bolsa soňky tapgyrlarda yzygiderli ýeňiş gazanýan “Ahmat” bilen myhmançylykda duşuşsa, çempionaty öz meýdançasynda “Rostow” duşuşygy bilen tamamlar. 29-njy tapgyrdaky duşuşyklarda ýer eýeleri ýeňiş gazansa, Moskwanyň “Dinamosy” ýaryma asyra golaý soň ilkinji çempionlygyny baýram eder.
Krylýa Sowetow – Ahmat: 0-2 (Konate 45+1, Berişa 62),
Rubin – Rostow: 3-1 (Rybus 30, Martynowiç 38, Ýoçiç 65 – Şetinin 73),
Spartak – Krasnodar: 1-0 (Zobnin 35),
Zenit – SSKA: 0-1 (Çalow 58 p),
Baltika – Dinamo: 2-3 (Enrike 32, Kaplenko 68 – Týukawin 3, Fernandes 90+3, Ngamalýo 90+9),
Orenburg – Lokomotiw: 0-2 (Batrakow 8, Silýanow 62),
Fakel – Ural: 0-0,
Soçi – Pari NN: 6-1 (Krawsow 8, Guarirapa 32, Alwes 66, Sutormin 74 p, 83, Burmistrow 87 – Ze Turbo 89)
