Mä­lim bol­şy ýa­ly, eme­le gel­ýän ýan­gyn­la­ryň ag­la­ba­sy ra­ýat­la­ryň ýan­gyn howp­suz­lyk düz­gün­le­ri­ni boz­ýan­dyk­la­ry ze­rar­ly ýü­ze çyk­ýar. Her bir dö­räp bil­jek ýan­gy­nyň öňü­ni al­mak bo­lar. Mu­nuň üçin bol­sa ýan­gyn howp­suz­lyk düz­gün­le­ri öz wag­tyn­da pug­ta ber­jaý edil­me­li­dir.
Türk­me­nis­ta­nyň Içe­ri iş­ler mi­nistr­li­gi­niň Ýan­gyn howp­suz­ly­gy gul­lu­gy ýan­gyn howp­suz­lyk düz­gün­le­ri­ni dog­ry ber­jaý et­mek we ýan­gyn ha­dy­sa­sy ýü­ze çy­kan­da onuň gar­şy­sy­na gö­reş­mek üçin şu­la­ry mas­la­hat ber­ýär.
Ýa­şa­ýyş jaý­la­ryň, ulag­ha­na­la­ryň daş-tö­we­re­gi he­mi­şe aras­sa sak­la­nyp, ha­pa zir-zi­bil­ler öz wag­tyn­da çäk­den çy­ka­ryl­ma­ly­dyr. Ýa­şa­ýyş jaý­la­ryň, ulag­ha­na­la­ryň çäk­le­rin­dä­ki ge­çel­ge­le­ri, gi­rel­ge­le­ri, how­ly­nyň içi­ni, bi­na­dyr des­ga­la­ryň ýan­gy­na gar­şy ara­çäk­le­ri­ni, jaý­la­ryň da­şar­ky ha­las ediş bas­gan­çak­la­ry­ny, ýan­gy­na gar­şy suw ho­wuz­la­ry­na ba­ryl­ýan ýol­la­ry dür­li zat­lar bi­len bag­lap, geç­mek­li­ge päs­gel­çi­lik dö­ret­mek, ýer­li hä­kim­lik­le­riň rug­sa­dy bol­maz­dan gur­lu­şyk-gur­na­ma iş­le­ri­ni ge­çir­mek, bi­na­dyr des­ga­la­ryň ýan­gy­na gar­şy ara­çäk­le­rin­de, boş­luk­la­ryn­da ýan­ýan ma­te­ri­al­la­ry sak­la­mak, açyk meý­dan­da, how­ly­nyň çä­gin­de ýe­ňil ýa­ny­jy su­wuk­lyk­la­ry (ben­zin, ke­ro­sin, sol­ýar­ka we beý­le­ki­ler) hem-de ýa­ny­jy gaz­ly, kis­lo­rod­ly bal­lon­la­ry sak­la­mak, jaý­la­ryň, how­ly­nyň we gur­lu­şyk­la­ryň tö­we­rek­le­rin­de ot ýak­mak hem-de sön­dü­ril­me­dik köz­li kül­le­ri dök­mek ga­da­gan edil­ýär.
Ýa­şa­ýyş jaý­la­ryn­da we ulag­ha­na­lar­da önüm­çi­lik teh­no­lo­gi­ýa­syn­da part­la­ma ýa-da ýe­ňil ýa­ny­jy mad­da­lar­dyr ji­sim­ler ula­nyl­ýan ki­çi möç­ber­li kär­ha­na­la­ry hem-de am­mar­la­ry dö­ret­mek, iş­let­mek, adam­la­ryň ha­las ediş ýol­la­ry­nyň ug­run­da, tö­we­re­gin­de, ýer­ze­min otag­lar­da, üçek­ler­de ýa­ny­jy ma­te­ri­al­la­ry, öý goş­la­ry sak­la­mak, jaý­la­ryň äti­ýaç­lyk çy­kal­ga­la­ry­ny gulp­­la­mak ýa-da çy­kal­ga­la­ryň öň­le­rin­de zat­la­ry sak­la­mak, how­ly­nyň çä­gin­dä­ki ýa­ny­jy zat­la­ryň sak­lan­ýan ýer­le­rin­de, ýan­gyn howp­ly ho­ja­lyk kö­mek­çi otag­la­ryn­da çi­lim çek­mek we açyk ody ulan­mak ga­da­gan edil­ýär.
Ýa­şa­ýyş jaý­la­ry­nyň üçek­le­rin­de we ýer­ze­minlerinde ýa­ny­jy goş­la­ry­ we beý­le­ki zat­la­ry sak­la­mak, ga­py­la­ry­, pen­ji­re­le­ri­ we beý­le­ki ho­wa gir­ýän ýer­le­ri­ açyk sak­la­mak, ke­ro­sin bi­len iş­le­ýän çy­ra­la­ry, şem­le­ri, ýe­ňil ýa­ny­jy su­wuk­lyk­la­r siň­di­ri­len fa­kel­le­ri, ot­lu­çö­pi ulan­mak, wagt­la­ýyn elekt­rik ge­çi­ri­ji­le­ri, elekt­rik ýag­ty­lan­dy­ry­jy çy­ra­la­ry aý­na go­rag ör­tük­siz ulan­mak, al­ýu­min sü­tün­li sim­le­riň açyk gör­nüş­de ge­çi­ril­me­gi we ula­nyl­ma­gy, ýe­ňil ýa­ny­jy su­wuk­lyk­la­ry bo­lan ben­zin, ke­ro­sin, sol­ýar­ka we beý­le­ki­le­ri sak­la­mak ga­da­gan edil­ýär.
Ýy­la­dy­jy we gyz­dy­ry­jy en­jam­la­ry ulan­maz­dan öň, ola­ryň ojak­la­ry­nyň ýa­nyş ukyp­ly­ly­gy­ny bar­la­ma­ly we ola­ryň tüs­se­çy­kar­la­ry gu­rum­lar­dan aras­sa­lan­ma­ly.
Gaz bi­len iş­le­ýän ýy­la­dy­jy en­jam­lar ula­ny­lan­da gaz en­jam­la­ry­ny ýer­ze­min otag­la­ryn­da or­naş­dyr­mak, gaz en­jam­la­rynyň hem-de olara de­giş­li gur­luş­lar­yň gur­na­lyş ul­gam­la­ry­ny öz­baş­dak üýt­get­mek, çalyş­mak, be­je­riş-abat­la­ýyş iş­le­ri­ni ge­çir­mek, de­giş­li eda­ra­lar bi­len yla­laş­maz­dan gaz en­jam­la­ry­nyň or­naş­dy­ry­lan ja­ýy­ny üýt­ge­dip gur­mak, gaz en­jam­la­ry­nyň howp­suz­lyk we saz­laý­jy ul­gam­la­ry­ny aýyr­mak ýa-da gaz ge­çi­ri­ji­le­riň, en­jam­la­ryň bo­zuk ýag­da­ýyn­da, ga­zyň syz­ma­gy ýa­ly howp­ly ýag­daý­lar ýü­ze çy­ka­ry­lan­da gaz en­jam­la­ry ulan­mak, ýa­nyp du­ran gaz en­ja­my­nyň tö­we­re­gin­de eşikleri we beý­le­ki ýa­nyp bil­jek zat­la­ry gu­rat­mak hem-de ça­ga­la­ra ot bi­len bag­la­ny­şyk­ly ýu­muş­la­ry bu­ýur­mak ga­da­gan edil­ýär.
Ýan­gy­nyň is­len­dik gör­nü­şi ýü­ze çy­kan­da ýa-da tüs­sä­niň ysy du­ýu­lan­da te­le­fon ar­ka­ly 01, el te­le­fo­ny arkaly 001 bel­gä ha­bar ber­me­li. Öz güý­jü­ňiz bi­len, il­kin­ji ýan­gyn sön­dü­ri­ji se­riş­de­le­ri­niň ýa-da su­wuň, çä­gä­niň, gu­muň, ke­çä­niň, syk do­ka­lan ma­ta­nyň kö­me­gi bi­len ýü­ze çy­kan ýan­gy­ny sön­dür­mä­ge sy­na­nyş­ma­ly, ýü­ze çy­kan ýan­gy­ny öz güý­jü­ňiz bi­len sön­dür­mek ba­şart­ma­sa, ga­py­ny gulp­la­man, berk ýap­yp öýden çykmaly. Elekt­rik to­gy­ny we gaz ak­dy­ry­jy­sy­ny öçür­me­li.
Türk­me­nis­ta­nyň her bir ýa­şaý­jy­sy ýan­gyn howp­suz­ly­gy­nyň ta­lap­la­ry­ny ber­jaý et­mä­ge borç­lu­dyr! Ja­ny­my­za, sag­ly­gy­my­za, jem­gy­ýe­tiň, döw­le­tiň bäh­bit­le­ri­ne mad­dy zy­ýan ýe­tir­ýän gö­zeg­çi­lik­siz ot­dan se­re­sap bo­la­lyň!

Yh­las Mi­ri­ýew,
Aş­ga­bat şä­he­ri­niň Po­li­si­ýa mü­dir­li­gi­niň Ýan­gyn howp­suz­ly­gy bö­lü­mi­niň 100-nji har­by­laş­dy­ry­lan ýan­gyn howp­suz­lyk bö­lü­mi­niň döw­let ýan­gyn gö­zeg­çi­lik bö­lüm­çe­si­niň mü­di­ri – uly gö­zeg­çi­si, içer­ki gul­lu­gyň ka­pi­ta­ny.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА