Yn­sa­na ze­rur bi­lim­ler we pi­kir­ler adat­ça, ki­tap­lar­dan alyn­ýar. Ki­tap di­ňe bir mas­la­hat­çy bol­man, eý­sem, dün­ýä­ga­raý­şy­my­zy hem gi­ňeld­ýär. Bu bol­sa dur­mu­şy­my­zyň hi­li­ne gö­nü­den-gö­ni tä­si­ri­ni ýe­tir­ýär. Ki­tap köp asyr­dan bä­ri do­wam edip gel­ýän bi­lim­le­riň, baý tej­ri­be­le­riň we öz­bo­luş­ly usu­ly­ýet­le­riň gen­ji-ha­zy­na­sy­dyr. Biz dün­ýä bel­li aw­tor­la­ryň eser­le­ri­ni okap, dün­ýä­ga­raý­şy­my­zyň çäk­le­ri­ni has-da gi­ňeld­ýä­ris. Ki­tap­lar ha­ky­da­la­ry­my­zyň, göz öňü­ne ge­tir­me­le­ri­mi­ziň, sag­dyn pi­kir­len­mek ukyp­la­ry­my­zyň we man­ty­ga la­ýyk pi­kir ýö­ret­me­le­ri­mi­ziň ösü­şi­ne düýp­li tä­sir ed­ýär. Oky­jy haý­sy­dyr bir ede­bi gah­ry­man ar­ka­ly özü­niň ha­ky­ky keş­bi­ni gö­rüp bil­ýär. Eser­dä­ki gah­ry­man­lar bi­len ýa­kyn ara­gat­na­şyk sak­lap, ola­ryň keş­bi­ni dur­mu­şyn­da ama­la aşyr­ma­ga sy­na­nyş­ýar. Bi­ra­hat ed­ýän so­wal­la­ryň äh­li­si­niň jo­ga­by­ny ki­tap­lar­dan ta­pyp bol­ýar. Çün­ki ki­tap­lar­da ež­dat­la­ry­my­zyň asyr­lar­dan bä­ri do­wam edip gel­ýän baý tej­ri­be­le­ri öz be­ýa­ny­ny tap­ýar.
Ki­tap özü­mi­ze bo­lan yna­my art­dyr­mak­da, öz-özü­mi­zi kä­mil­leş­dir­mek­de ýar­dam be­rip, dur­muş­da üs­tün­lik ga­zan­ma­ga müm­kin­çi­lik ber­ýär. Olar bi­zi gur­şap al­ýan dün­ýä ba­ra­da tä­ze dü­şün­je­le­ri açyp ber­ýär, bi­ziň ozal gü­man hem et­me­dik dur­muş öw­rüm­le­ri­miz ba­ra­da oý­lan­ma­ga mej­bur ed­ýär. Ki­tap bi­ziň aňy­my­za ozal nä­ta­nyş bo­lan tä­ze dur­muş äheň­le­ri­ni siň­dir­ýär. My­sal üçin, «Eý­sem, me­niň dur­muş­da­ky we­zi­päm nä­me­den yba­rat­ka?» di­ýen so­wa­la ki­tap­lar­dan jo­gap ag­tar­yl­ýar. Hä­zir­ki za­man dün­ýä­sin­de bol­sa, mag­lu­mat­la­ryň ägirt uly, kä­wagt bol­sa, aý­gyt­ly äh­mi­ýe­te eýe­di­gi hiç ki­me giz­lin zat däl­dir. Şu gün­ki gün­de bi­zi mag­lu­mat­la­ryň ägirt uly aky­my gur­şap alyp, bi­ze di­ňe ola­ryň iň yg­ty­bar­ly­sy­ny saý­lap okaý­mak gal­ýar.
Biz her gün­de okap, der­rew hem ne­ti­jä ga­raş­ma­ly däl­di­ris. Bi­ziň aňy­myz­da­ öz­ger­me­ler he­mi­şe bo­lup dur­ýar, ýö­ne biz ony duý­ma­ýa­rys. Ha­ky­ky ki­tap­lar bi­zi go­wu­ly­ga ta­rap öz­gerd­ýär. Di­ňe her gün­de az hem bol­sa, haý­sy­dyr bir tä­ze zat­la­ry öw­ren­mä­ge ýyk­gyn et­me­li. Şu­nuň ýa­ly ta­gal­la­lar wag­tyň geç­me­gi bi­len özü­niň mi­we­si­ni ber­ýär, ne­ti­je­de, biz ägirt uly bi­li­me eýe bo­la­rys. Ki­tap oka­ma­ýan adam­lar ujyp­syz söz­lük gor­la­ry­na eýe bo­lup, olar hat­da ýö­ne­keý pi­kir­le­ri­ni hem söz ar­ka­ly be­ýan et­mek­de kyn­çy­lyk çek­ýär­ler. Şah­sy ösüş ga­zan­mak we öz-özü­ňi kä­mil­leş­dir­mek üçin köp san­ly ki­tap­la­ryň okal­ma­gy ze­rur­dyr. Ki­tap­lar­dan al­nan bi­li­m di­ňe bir ýat­da sak­lan­man, eý­sem, ola­ry dur­mu­ş­da hem or­naş­dyr­jak bol­ma­ly. Bil­mek – ba­şar­ýan­dy­gy­my­zy aň­lat­ma­ýar. Di­ňe al­nan bi­lim ula­ny­lan ha­la­tyn­da, ne­ti­je ber­ýär. Ki­tap saý­la­nan­da aý­ra­tyn dyk­gat bi­len çe­me­leş­me­li. On­da be­ýan edil­ýän mow­zuk­lar di­ňe se­niň özüň üçin gy­zyk­ly bol­man, eý­sem, şu gün­ki gün üçin hem äh­mi­ýet­li bol­ma­ly­dyr. My­sal üçin, eger-de siz gir­de­ji­le­ri­ňi­zi art­dyr­mak is­le­ýän bol­sa­ňyz, on­da si­ziň biz­nes bi­len bag­la­ny­şyk­ly ki­tap­la­ry saý­la­ma­gy­ňyz ze­rur­dyr.

Jemal GARAMESOWA, Aşgabat şäher Medeniýet müdirliginiň merkezleşdirilen kitaphanalar ulgamynyň Magtymguly adyndaky merkezi kitaphanasynyň 1-nji derejeli kitaphanaçysy.

ЭТО МОЖЕТ БЫТЬ ИНТЕРЕСНОЕЩЕ ОТ АВТОРА